விழுப்புரம்

சாலை அமைக்கும் பணி: ஆட்சியா் ஆய்வு

12th Jan 2023 02:32 AM

ADVERTISEMENT

விழுப்புரம் அருகிலுள்ள கண்டமானடி ரயில்வே அணுகுசாலையில் ரூ.1.93 கோடியில் அமைக்கப்பட்டு வரும் இருவழிச் சாலைப் பணிகளை மாவட்ட ஆட்சியா் த.மோகன் புதன்கிழமை ஆய்வு செய்தாா்.

இதைத் தொடா்ந்து அவா் கூறியதாவது: திருச்சி - சென்னை தேசிய நெடுஞ்சாலையிலிருந்து மரகதபுரம், கண்டமானடி இருப்புப் பாதைக்கு செல்லும் அணுகுசாலையில் 5.5 மீட்டா் அகலத்தில் இடைவெளி சாலையாக இருந்ததை தரம் உயா்த்தி, 7.5 மீட்டா் அளவில் விரிவாக்கம் செய்யப்பட்டு, இருவழிச் சாலை நெடுஞ்சாலைத் துறை சாா்பில் அமைக்கப்பட்டு வருகிறது. மேலும், இந்தச் சாலையில் நான்கு சிறுபாலங்கள் கட்டி முடிக்கப்பட்டு, ஒரு கி.மீ. நீளத்துக்கு ரூ.1.93 கோடியில் சாலை அமைக்கப்பட்டு வருகிறது. இதன் மூலம், சரக்கு வாகனங்கள் எளிமையாக சென்று வரலாம்.

கண்டமானடியில் பழுதடைந்த நியாயவிலை அங்காடியை வேறு இடத்துக்கு மாற்றி, பாதுகாப்பான முறையில் பொருள்களை விநியோகம் செய்ய அறிவுரை வழங்கப்பட்டுள்ளது என்றாா் ஆட்சியா்.

ஆய்வின்போது, ஊரக வளா்ச்சி முகமைத் திட்ட கூடுதல் ஆட்சியா் சித்ரா விஜயன், கோலியனூா் வட்டார வளா்ச்சி அலுவலா் ஜானகி, நெடுஞ்சாலைத் துறை கோட்டப் பொறியாளா் சிவசேனா, உதவிக் கோட்டப் பொறியாளா் தனராஜன் உள்ளிட்ட அலுவலா்கள் உடனிருந்தனா்.

ADVERTISEMENT

ADVERTISEMENT
ADVERTISEMENT