தங்களது கோரிக்கைகளை வலியுறுத்தி, விழுப்புரத்தில் எல்ஐசி முகவா்கள் சங்கத்தினா் வெள்ளிக்கிழமை ஆா்ப்பாட்டத்தில் ஈடுபட்டனா்.
பாலிசிகளுக்கான ஊக்கத் தொகையை உயா்த்த வேண்டும், பாலிசிகள் மீதான கடன்களுக்கான வட்டி விகிதத்தை குறைக்க வேண்டும், வெளிநாட்டு பாலிசிதாரா்களுக்கு ஏதுவாக சேவை அளிக்க வேண்டும், அனைத்துவித விண்ணப்பங்களுக்கும் ஒப்புகை ரசீது அளிக்க வேண்டும் என்பன உள்ளிட்ட 10 அம்ச கோரிக்கைகளை வலியுறுத்தி விழுப்புரம், கிழக்கு பாண்டி சாலையில் உள்ள எல்ஐசி அலுவலகம் முன்பாக இந்த ஆா்ப்பாட்டம் நடைபெற்றது.
ஆா்ப்பாட்டத்துக்கு சங்கத்தின் கிளைத் தலைவா் கலியபெருமாள் தலைமை வகித்தாா். செயலா் பாலாஜி, பொருளாளா் சேக்கிழாா் ஆகியோா் முன்னிலை வகித்தனா். கோட்ட இணைச் செயலா் சபரிநாதன் கோரிக்கைகளை வலியுறுத்தி பேசினாா். சங்கத்தின் முன்னாள் தலைவா் ராஜாரவி, நிா்வாகிகள் ராஜசேகா், அப்பாஸ் மந்திரி, ராஜன்பாபு, பழனிவேல் உள்ளிட்டோா் கலந்துகொண்டனா். பாபு நன்றி கூறினாா்.