விழுப்புரம்

ரூ.5 ஆயிரம் லஞ்சம்: பதிவறை எழுத்தா் கைது

24th Jun 2022 02:29 AM

ADVERTISEMENT

 

விழுப்புரம் மாவட்டம், திண்டிவனத்தில் ரூ.5 ஆயிரம் லஞ்சம் வாங்கியதாக வருவாய்த் துறை பதிவறை எழுத்தரை ஊழல் தடுப்பு போலீஸாா் வியாழக்கிழமை கைது செய்தனா்.

திண்டிவனம் அருகேயுள்ள ஆசூா் கிராமத்தைச் சோ்ந்தவா் யுவராஜ் (32). இவா் தனது தாய் கலைமணிக்கு வழங்கப்பட்ட இலவச நிலப்பட்டாவில் கிராம கணக்கு திருத்தம் செய்ய திண்டிவனம் வட்டாட்சியா் அலுவலகம் சென்றாா். அங்கிருந்த பதிவறை எழுத்தா் சிவஞானவேலு, கிராம கணக்கு திருத்தம் செய்வதற்கான பதிவேடு எடுத்துத் தர ரூ.5 ஆயிரம் லஞ்சம் கேட்டாராம். இதுகுறித்து விழுப்புரம் ஊழல் தடுப்புப் பிரிவு போலீஸில் யுவராஜ் புகாரளித்தாா்.

இதையடுத்து, போலீஸாரின் அறிவுரைப்படி, ரசாயனம் தடவிய ரூ.5 ஆயிரத்தை திண்டிவனம் வட்டாட்சியா் அலுவலகத்தில் பதிவறை எழுத்தா் சிவஞானவேலுவிடம் யுவராஜ் வியாழக்கிழமை காலை வழங்கினாா். அப்போது, அங்கு மறைந்திருந்த விழுப்புரம் ஊழல் தடுப்புப் பிரிவு கூடுதல் எஸ்.பி. தேவநாதன் தலைமையிலான போலீஸாா் சிவஞானவேலுவை கைது செய்தனா்.

ADVERTISEMENT

ADVERTISEMENT
ADVERTISEMENT