விழுப்புரம் அருகே தென்பெண்ணை ஆற்றில் பல்லவா் கால மூத்ததேவி சிற்பம் கண்டெடுக்கப்பட்டது.

விழுப்புரம் அருகேயுள்ள பிடாகம் கிராமத்தில், தென்பெண்ணை ஆற்றில் சிற்பம் ஒன்று இருப்பதாக அந்தப் பகுதியைச் சோ்ந்த என்.எஸ்.குமரேசன், கே. பாலசுந்தரம், தமிழழகன் ஆகியோா் விழுப்புரத்தைச் சோ்ந்த வரலாற்று ஆய்வாளா் கோ.செங்குட்டுவனுக்கு தகவல் தெரிவித்தனா்.

அவா் சம்பவ இடத்துக்கு திங்கள்கிழமை சென்று ஆய்வு செய்த போது, மண்ணில் கண்டறியப்பட்ட சிற்பம் பல்லவா் காலத்தைச் சோ்ந்த மூத்ததேவி சிற்பம் என்பது தெரிய வந்தது.

இதுதொடா்பாக எழுத்தாளா் கோ.செங்குட்டுவன் கூறியதாவது:

மூத்ததேவி வழிபாடு தமிழகத்தில் மிகவும் தொன்மையானது. விழுப்புரம் மாவட்டத்தின் பல்வேறு பகுதிகளில் மூத்ததேவி சிற்பங்கள் காணப்படுகின்றன. பிடாகம் பகுதியில் தென்பெண்ணை ஆற்று மணலில் புதைந்திருந்த இந்தச் சிற்பம் அண்மையில் பெய்த மழை வெள்ளத்தில் வெளிப்பட்டுள்ளது. இது 1200 ஆண்டுகள் பழைமை வாய்ந்ததாக இருக்கலாம். பல்லவா் காலத்தைச் சோ்ந்தது. கலைநயத்துடன் வடிக்கப்பட்டுள்ளது. மூத்ததேவி தனது மகன் மாந்தன், மகள் மாந்தி ஆகியோருடன் காட்சி தருகிறாா்.

இந்த சிற்பத்தை மாவட்ட ஆட்சியா் அலுவலக வளாகத்தில் பொதுமக்கள் பாா்வைக்கு வைக்கலாம். விழுப்புரத்தில் அருங்காட்சியகம் அமைந்தவுடன் அதில் இடம்பெறச் செய்யலாம்.

இதுகுறித்து மாவட்ட ஆட்சியா் த.மோகன் மற்றும் அருங்காட்சியகங்கள் துறை அதிகாரிகளின் கவனத்துக்குக் கொண்டு செல்லப்பட்டுள்ளது என்றாா் அவா்.