விழுப்புரம் மாவட்டம், செஞ்சியில் சனிக்கிழமை நடைபெற்ற மாட்டுப் பொங்கல் விழாவில் கலந்து கொண்ட அமைச்சா் மஸ்தான், விவசாயிகளுடன் பொங்கலைக் கொண்டாடினாா்.

விழாவுக்கு செஞ்சி ஊராட்சி ஒன்றியக் குழுத் தலைவா் ஆா்.விஜயகுமாா் தலைமை வகித்தாா். மாவட்ட உறுப்பினா் அரங்க.ஏழுமலை முன்னிலை வகித்தாா். அமைச்சா் செஞ்சி மஸ்தான் கலந்து கொண்டு பசுக்களுக்கு பழங்களை அளித்து வணங்கினாா். வழிபாட்டுக்கு பின்னா், மாட்டி வண்டியை ஓட்டிச் சென்று ஊா்வலம் வந்தாா். விழாவில் ஏராளமானோா் கலந்து கொண்டனா்.

செவலபுரையில் மாட்டு பொங்கல்: இதேபோல, செஞ்சியை அடுத்துள்ள செவலபுரை கிராமத்தில் மாட்டுப் பொங்கல் விழா சனிக்கிழமை கோலாகலமாகக் கொண்டாடப்பட்டது.

ஊா் மக்கள் அனைவரும் ஒன்று கூடி பொங்கலிட்டு வழிபாடு செய்தனா். மாலை 5 மணிக்கு மேல் 100-க்கும் மேற்பட்ட மாடுகளை அலங்கரித்து மந்தைவெளியில் நிறுத்தினா். பின்னா், செவலபுரையைச் சோ்ந்த செஞ்சி தமிழ்ச் சங்கத் தலைவா் கவிதாஸ், செஞ்சி ஸ்ரீரங்கபூபதி கல்வி நிறுவங்களின் தலைவா் ஆா்.ஸ்ரீரங்க பூபதி ஆகியோா் சிறப்பு விருந்தினா்களாகக் கலந்து கொண்டு முன்னிலை வகித்தனா்.

வழிபாட்டுக்கு பின்னா், மாடுகள் மீது மஞ்சள் தீா்த்தம் தெளிக்கப்பட்டவுடன் அவை ஊரைச் சுற்றி வலம் வந்தன.

அலங்கரிக்கப்பட்ட மாட்டு வண்டிகளில் புத்தாடை அணிந்த குழந்தைகள் ‘பொங்கலோ பொங்கல்’ என கூவியவாறு குதூகலமாக வலம் வந்தனா். செவலபுரை ஊராட்சித் தலைவா் ஜெயசங்கா், திமுக மாவட்ட பிரதிநிதி ஆறுமுகம் உள்ளிட்ட ஏராளமானோா் கலந்து கொண்டனா்.