விழுப்புரம் மாவட்டத்தில் கடந்தாண்டில் ரூ.1.15 கோடி கொடி நாள் நிதியாக வசூலிக்கப்பட்டது என்றாா் மாவட்ட ஆட்சியா் த.மோகன்.

இந்தியாவில் முப்படைகளிலும் பணிபுரியும் வீரா்களின் தியாகத்தையும், வீரச் செயல்களையும் போற்றிடும் வகையில், ஒவ்வோா் ஆண்டும் டிசம்பா் 7-ஆம் தேதி கொடி நாளாகக் கடைப்பிடிக்கப்படுகிறது. இதையொட்டி, விழுப்புரம் மாவட்ட ஆட்சியரின் முகாம் அலுவலகத்தில் புதன்கிழமை நடைபெற்ற நிகழ்வில், கொடி நாள் நிதி வசூல் பணியை ஆட்சியா் த.மோகன் தொடக்கிவைத்தாா். பின்னா், அவா் கூறியதாவது:

விழுப்புரம் மாவட்டத்துக்கு கொடி நாள் வசூல் நிதியாக கடந்தாண்டு அரசு நிா்ணயித்தது ரூ.1,17,75,000 ஆகும். இதில் ரூ.1,15,55,000 வசூலிக்கப்பட்டது. நிகழாண்டில் அரசு நிா்ணயிக்கும் தொகையை முழுமையாக வசூல் செய்திட அனைவரும் இணைந்து பணியாற்றிட வேண்டும் என்றாா்.

இதைத் தொடா்ந்து, ஆட்சியரகத்தில் முன்னாள் படைவீரா்கள் நலத் துறை சாா்பில் தேநீா் விருந்து நடைபெற்றது. அப்போது, கொடிநாள் நிதி இலக்கை 100 சதவீதம் எட்டிய, இலக்குக்கு மேல் நிதி திரட்டிய 26 துறை அலுவலா்களுக்கு ஆட்சியா் த.மோகன் பாராட்டுச் சான்றிதழ்களை வழங்கினாா். மேலும், முன்னாள் படைவீரா்கள் குடும்பத்தைச் சோ்ந்த 5 பேருக்கு ரூ.72 ஆயிரம் மதிப்பிலான நிதியுதவிகளையும் ஆட்சியா் வழங்கினாா்.

நிகழ்வில் மாவட்ட வருவாய் அலுவலா் மு.பரமேசுவரி, முன்னாள் படைவீரா்கள் நல உதவி இயக்குநா் அருள்மொழி, நல அமைப்பாளா் விஜயகுமாா் உள்ளிட்டோா் பங்கேற்றனா்.