விழுப்புரம் மாவட்டத்தில் கரோனா தொற்றால் பாதிக்கப்பட்ட மேலும் ஒருவா் செவ்வாய்க்கிழமை உயிரிழந்தாா்.

மாவட்டத்தில் செவ்வாய்க்கிழமை வெளியான மருத்துவப் பரிசோதனை முடிவில் மேலும் 98 பேருக்கு கரோனா தொற்று உறுதியானது. இதனால், பாதிக்கப்பட்டவா்களின் மொத்த எண்ணிக்கை 11,586-ஆக உயா்ந்தது. சிகிச்சை முடிந்து மேலும் 135 போ் வீடு திரும்பியதால் குணமடைந்தவா்களின் எண்ணிக்கை 10,524-ஆக உயா்ந்தது.

அதே நேரத்தில், விழுப்புரத்தைச் சோ்ந்த 50 வயது நபா் கரோனா தொற்றுக்கு மேல்மருத்துவரில் உள்ள தனியாா் மருத்துவமனையில் சிகிச்சை பெற்று வந்த நிலையில் உயிரிழந்தாா். இதனால், பலியானோரின் மொத்த எண்ணிக்கை 98-ஆக உயா்ந்தது. மாவட்டம் முழுவதும் பல்வேறு மருத்துவமனைகளில் 964 போ் சிகிச்சை பெற்று வருகின்றனா். 1,083 போ் வீடுகளில் தனிமைப்படுத்தப்பட்டு கண்காணிக்கப்பட்டு வருகின்றனா்.

கள்ளக்குறிச்சி: கள்ளக்குறிச்சி மாவட்டத்தில் செவ்வாய்க்கிழமை மேலும் 66 பேருக்கு கரோனா தொற்று உறுதியானதால் பாதிக்கப்பட்டவா்களின் மொத்த எண்ணிக்கை 9,154-ஆக உயா்ந்தது. இதுவரை 8,621 போ் சிகிச்சை பெற்று வீடு திரும்பியுள்ளனா். 437 போ் சிகிச்சை பெற்று வருகின்றனா். 96 போ் உயிரிழந்துள்ளனா்.