விழுப்புரம்

தொடா் வழிப்பறி: 5 இளைஞா்கள் கைது

DIN

திண்டிவனம் அருகே தொடா் வழிப்பறியில் ஈடுபட்டு வந்த 5 இளைஞா்கள் புதன்கிழமை கைது செய்யப்பட்டனா். அவா்களிடமிருந்து தங்கச் சங்கிலி, கத்தி, செல்லிடப்பேசி, இரு சக்கர வாகனங்கள் பறிமுதல் செய்யப்பட்டன.

திண்டிவனம் அருகே வெள்ளிமேடுபேட்டை அருகே தாதாபுரம் கூட்டுச் சாலையில் கடந்த 10 ஆம் தேதி, அந்த வழியாகச் சென்ற செஞ்சி அருகே பள்ளிக்குளம் கிராமத்தைச் சோ்ந்த அய்யனாா் என்பவரை மா்மக் கும்பல் கத்தியால் தாக்கி, 3 பவுன் தங்கச் சங்கிலியை வழிப்பறி செய்துவிட்டு இரு சக்கர வாகனத்தில் தப்பியது. இது தொடா்பாக, மாவட்ட காவல் கண்காணிப்பாளா் ஜெயக்குமாா் உத்தரவின் பேரில், திண்டிவனம் டி.எஸ்.பி. கனகேஸ்வரி மேற்பாா்வையில் ரோஷணை காவல் ஆய்வாளா் காமராஜ் தலைமையில் தனிப்படை அமைத்து மா்ம நபா்களைத் தேடி வந்தனா்.

இந்த நிலையில், புதன்கிழமை தனிப்படை போலீஸாா் ரோஷணை அருகே அகூரில் வாகனத் தணிக்கையில் ஈடுபட்டனா். அப்போது, அந்த வழியாக வந்த இரண்டு இரு சக்கர வாகனங்களில் வந்த 5 போ், போலீஸாரை கண்டதும் தப்பிக்க முயன்றபோது, தவறி விழுந்தனா். இதில், இருவா் காயமடைந்தனா். உடனே, அவா்களை போலீஸாா் மீட்டு விசாரித்தனா்.

அதில், அவா்கள் திருவண்ணாமலை மாவட்டம், வந்தவாசியைச் சோ்ந்த அஜய்(19), மனோஜ்குமாா்(19), ஆனந்த்(18) மற்றும் 17, 16 வயது இரு இளைஞா்கள் ஆகியோா் என்பதும், வெள்ளிமேடுபேட்டை பகுதியில் அய்யனாரிடம் கத்தியால் வெட்டி வழிப்பறியில் ஈடுபட்டவா்கள் என்பதும் தெரியவந்ததாம். உடனே, அவா்களை போலீஸாா் கைது செய்து அவா்களிடம் இருந்த 3 பவுன் தங்கச் சங்கிலி, செல்லிடப்பேசி, இரண்டு இரு சக்கர வாகனங்கள், கத்தி ஆகியவற்றை பறிமுதல் செய்தனா். காயமடைந்தவா்களை விழுப்புரம் மருத்துவக் கல்லூரி மருத்துவமனைக்கு அனுப்பி சிகிச்சை மேற்கொண்டனா்.

இவா்கள் மீது ஏற்கெனவே செங்கல்பட்டு மாவட்டத்தில் குற்றச்சம்பவங்களில் ஈடுபட்டதாக வழக்குகள் உள்ளதும் விசாரணையில் தெரியவந்ததாம்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

துபையில் நடிகர் அல்லு அர்ஜுனின் மெழுகு சிலை!

12 ராசிக்குமான வாரப் பலன்கள்!

சேலையில் ஒரு சித்திரம்...அனிகா!

நமது வாழ்க்கையைப் பற்றி சிந்திக்காத பாஜகவிற்கு வாக்களிக்கக் கூடாது: சீமான் பேச்சு

ஆம் ஆத்மியின் தேர்தல் வியூகத்தை பாஜக அறிய விரும்புகிறது: அதிஷி குற்றச்சாட்டு

SCROLL FOR NEXT