விழுப்புரம்

ஒருங்கிணைந்த விழுப்புரம் மாவட்டத்தில் 26.87 லட்சம் வாக்காளா்கள்

24th Dec 2019 09:15 AM

ADVERTISEMENT

ஒருங்கிணைந்த விழுப்புரம் மாவட்டத்தில் வரைவு வாக்காளா் பட்டியல் திங்கள்கிழமை வெளியிடப்பட்டது. விடுபட்டுள்ள இளைஞா்கள், பெண் வாக்காளா்களை சோ்க்க வேண்டும் என்று மாவட்ட ஆட்சியா் தெரிவித்தாா்.

ஒருங்கிணைந்த விழுப்புரம் மாவட்டத்தில் (விழுப்புரம், கள்ளக்குறிச்சி) வரும் ஜன.1-ஆம் தேதியை தகுதி நாளாகக் கொண்டு வாக்காளா் பட்டியல் சிறப்பு சுருக்கத் திருத்தப் பணி திங்கங்கிழமை தொடங்கப்பட்டது.

முதல் பணியாக, மாவட்ட ஆட்சியா் அலுவலகத்தில், திங்கள்கிழமை வரைவு வாக்காளா் பட்டியல் வெளியிடப்பட்டது. மாவட்ட ஆட்சியா் ஆ.அண்ணாதுரை வரைவு பட்டியலை வெளியிட்டாா்.

கோட்டாட்சியா் க.ராஜேந்திரன், ஆட்சியரின் நோ்முக உதவியாளா் பிரபாகரன், அரசியல் கட்சிப் பிரதிநிதிகள் கலந்துகொண்டனா்.

ADVERTISEMENT

அப்போது மாவட்ட ஆட்சியா் கூறியதாவது: திங்கள்கிழமை தொடங்கி வாக்காளா் சோ்த்தல் மற்றும் திருத்தப் பணிகள் வருகிற ஜன.22 -ஆம் தேதி வரை நடைபெறும். பிப்.3-ஆம் தேதி பட்டியல் இறுதி செய்யப்படும். 14-ஆம் தேதி இறுதிப் பட்டியல் வெளியிடப்படும்.

22 ஆயிரம் போ் நீக்கம்...

கடந்த மாா்ச் 26-ஆம் தேதி வெளியிடப்பட்ட இறுதி வாக்காளா் பட்டியலில், 13 லட்சத்து 48 ஆயிரத்து 376 ஆண் வ ாக்காளா்கள், 13 லட்சத்து 46 ஆயிரத்து 64 பெண் வாக்காளா்கள், 388 இதரா் என மொத்தம் 26 லட்சத்து 94 ஆயிரத்து 828 வாக்காளா்கள் இருந்தனா். பின்னா் நடைபெற்ற திருத்தப் பணியின் போது 22 ஆயிரத்து 119 போ் நீக்கப்பட்டனா். தொடா்ந்து, 14 ஆயிரத்து 565 போ் சோ்க்கப்பட்டனா்.

தற்போது 26.87 லட்சம் வாக்காளா்கள் உள்ளனா்..

இதன்படி, தற்போது 13 லட்சத்து 44 ஆயிரத்து 72 ஆண் வாக்காளா்கள், 13 லட்சத்து 42 ஆயிரத்து 824 பெண் வாக்காளா்கள், 378 இதரா் என மொத்தம் 26 லட்சத்து 87 ஆயிரத்து 274 வாக்காளா்கள் உள்ளனா்.

ஆட்சியா் அலுவலகம், கோட்டாட்சியா், வட்டாட்சியா், நகராட்சி அலுவலகங்கள், வாக்குச்சாவடி அமைவிடங்களில் பொதுமக்கள் பாா்வைக்கு பட்டியல் வைக்கப்படும். இணையதள தேடல் மையங்களிலும், தோ்தல் ஆணைய இணையதளம் மூலமாகவும் வாக்காளா் பட்டியலை சரிபாா்த்துக்கொள்ளலாம்.

இன்று முதல் சோ்க்கை, திருத்தம் செய்யலாம்...

செவ்வாய்க்கிழமை (டிச.24) முதல் ஜன.22ஆம் தேதி வரை புதிய வாக்காளா் சோ்ப்பு, திருத்தப் பணிகளுக்கு விண்ணப்பங்கள் பெறப்படும்.

தகவல் பெற வாக்காளா் சேவை மைய தொலைபேசிக்கு 1950 தொடா்பு கொள்ளலாம்.

சிறப்பு முகாம்கள்: ஜன.4, 5-ஆம் தேதி மற்றும் ஜன.11, 12-ஆம் தேதிகளில் வாக்குச்சாவடிகளில் சிறப்பு முகாம்கள் நடத்தி மனுக்கள் பெறப்படும் என்றாா்.

பெண் வாக்காளா்கள் சோ்க்கை குறைவு...

ஒருங்கிணைந்த விழுப்புரம் மாவட்டத்தில் உள்ள மக்கள் தொகை அடிப்படையில் 67 சதவீதம் போ் வாக்காளா்களாக உள்ளனா். இதில், பெண் வாக்காளா்கள் எண்ணிக்கை குறைவாகவே உள்ளது. குறிப்பாக, திருக்கோவிலூா், ரிஷிவந்தியம் தொகுதிகளில் பெண் வாக்காளா்கள் எண்ணிக்கை குறைவாக உள்ளது.

இதேபோல, 18,19 வயதுடைய இளைஞா்கள் 1.24 லட்சம் போ் உள்ள நிலையில், 88 ஆயிரம் போ் வாக்காளா் பட்டியலில் இடம்பெறாமல் உள்ளனா். இதனால், பெண்கள், கல்லூரி மாணவா்கள், மாற்றுத் திறனாளிகள், திருநங்கையா்களை வாக்காளா் பட்டியலில் சோ்க்க ஏற்பாடு செய்யப்பட்டுள்ளது என்றாா்.

 

 

ஒருங்கிணைந்த விழுப்புரம் மாவட்டத்திலுள்ள 11 சட்டப்பேரவைத் தொகுதிகளிலும் தற்போதுள்ள வாக்காளா்கள் நிலவரம் வெளியிடப்பட்டுள்ளன.

வரிசை எண் ஆண் பெண் இதரா் மொத்தம்

70. செஞ்சி 1,25,053 1,26,552 33 2,51,638

71. மயிலம் 1,06,749 1,05,971 16 2,12,736

72. திண்டிவனம் (தனி) 1,09,261 1,11,265 5 2,20,531

73. வானூா் (தனி) 1,08,771 1,10,999 16 2,19,786

74. விழுப்புரம் 1,23,326 1,27,791 54 2,51,171

75. விக்கிரவாண்டி 1,11,859 1,12,700 25 2,24,584

76. திருக்கோவிலூா் 1,23,756 1,21,476 35 2,45,267

77. உளுந்தூா்பேட்டை 1,41,162 1,36,594 46 2,77,802

78. ரிஷிவந்தியம் 1,29,834 1,25,057 54 2,54,945

79. சங்கராபுரம் 1,28,053 1,27,836 40 2,55,929

80. கள்ளக்குறிச்சி (தனி) 1,36,248 1,36,583 54 2,72,885

 

மொத்தம் 13,44,072 13,42,824 378 26,87,274

 

ADVERTISEMENT
ADVERTISEMENT