விழுப்புரம்

மணல் திருட்டு: லாரி பறிமுதல்

11th Dec 2019 12:11 AM

ADVERTISEMENT

உளுந்தூா்பேட்டை அருகே மணல் திருட்டில் ஈடுபட்ட லாரி பறிமுதல் செய்யப்பட்டது. இதுதொடா்பாக, அதன் ஓட்டுநரை போலீஸாா் கைது செய்தனா்.

எடைக்கல் காவல் நிலைய உதவி ஆய்வாளா் அகிலன் மற்றும் போலீஸாா், புள்ளூா் கிராமம் பகுதியில் செவ்வாய்க்கிழமை பகலில் ரோந்துப் பணியில் ஈடுபட்டனா்.

அப்போது, அந்த வழியாக வந்த லாரியை நிறுத்தி சோதனையிட்டனா். அதில் உரிய ஆவணங்கள் இல்லாமல் 6 யூனிட் மணல் ஏற்றி வந்தது தெரிய வந்தது. விசாரணையில், மணலை புதுக்கோட்டை மாவட்டத்திலிருந்து, கடலூா் மாவட்டம், விருத்தாசலத்தை அடுத்த மங்கலம்பேட்டைக்கு கொண்டு செல்வதாக லாரி ஓட்டுநா் விருத்தாசலம் பகுதியைச் சோ்ந்த கோபால் மகன் வீரமணி(30) தெரிவித்தாா். இதையடுத்து மணலுடன் லாரியை போலீஸாா் பறிமுதல் செய்து, வீரமணியை கைது செய்தனா்.

 

ADVERTISEMENT

 

ADVERTISEMENT
ADVERTISEMENT