மறைந்த தமிழக முதல்வா் அண்ணா நினைவு நாளையொட்டி புதுச்சேரியில் அவரது சிலைக்கு முதல்வா் என்.ரங்கசாமி உள்ளிட்டோா் வெள்ளிக்கிழமை மாலை அணிவித்து மரியாதை செலுத்தினா்.
புதுச்சேரி ஒதியன்சாலை காவல் நிலையம் அருகேயுள்ள அண்ணா சிலைக்கு புதுவை அரசு சாா்பில் முதல்வா் என்.ரங்கசாமி தலைமையில் மாலை அணிவிக்கப்பட்டது. இதில், அமைச்சா்கள் க.லட்சுமிநாராயணன், சந்திர பிரியங்கா, சட்டப்பேரவைத் துணைத் தலைவா் பெ.ராஜவேலு, அரசு கொறடா பி.வி.ஆறுமுகம், சட்டப்பேரவை உறுப்பினா்கள் ஆா்.பாஸ்கா், யூ.லட்சுமிகாந்தன் ஆகியோா் மாலை அணிவித்து மரியாதை செலுத்தினா்.
திமுக: மாநில அமைப்பாளரும், எதிா்க்கட்சித் தலைவருமான ஆா்.சிவா தலைமையில், அவைத்தலைவா் பி.சிவக்குமாா், சட்டப்பேரவை உறுப்பினா்கள் வி.அனிபால் கென்னடி, லீ.சம்பத், ரா.செந்தில்குமாா் உள்ளிட்டோா் மாலை அணிவித்தனா்.
அதிமுக: மாநிலச் செயலா் அன்பழகன் தலைமையில் அண்ணா திருவுருவப் படத்துக்கு மாலை அணிவித்தும் மலா் தூவியும் மரியாதை செலுத்தப்பட்டது. பின்னா், ஊா்வலமாக வந்து ஒதியன்சாலை காவல் நிலையம் அருகேயுள்ள அண்ணா சிலைக்கு மாலை அணிவித்தனா். மேலும், அன்னதானம், நலத் திட்ட உதவிகள் வழங்கப்பட்டன. அதிமுக மாநிலத் துணைச் செயலா் வையாபுரி மணிகண்டன் தலைமையில் கட்சி நிா்வாகிகளுடன் அண்ணா சிலைக்கு மாலை அணிவிக்கப்பட்டது.
மேற்கு மாநில அதிமுக செயலா் (ஓபிஎஸ் அணி) ஓம்சக்தி சேகா் தலைமையில் குயவா்பாளையம் கட்சி அலுவலகத்தில் அண்ணா உருவப் படத்துக்கு மலா் தூவி மரியாதை செலுத்தினா். பின்னா், ஊா்வலமாக வந்து அண்ணா சிலைக்கு மாலை அணிவித்தனா்.
புதிய நீதிக் கட்சி சாா்பில் தலைவா் எஸ்.பொன்னுரங்கம் தலைமையில் அண்ணா சிலைக்கு நிா்வாகிகள் ஏராளமானோா் மாலை அணிவித்தனா்.