புதுச்சேரி மணக்குள விநாயகா் கோயில் யானை லட்சுமிக்கு ரூ.32.40 லட்சம் மதிப்பீட்டில் புதிய தங்குமிடம் அமைக்கப்படுகிறது.
மணக்குள விநாயகா் கோயில் பெண் யானை லட்சுமி, கடந்த 1997-ஆம் ஆண்டு கோயிலுக்கு கொண்டு வரப்பட்டது. இந்த யானை புதுச்சேரி காந்தி வீதி வேதபுரீஸ்வா் கோயிலுக்குள் உள்ள ஒரு கட்டடத்தில் மாலை, இரவு நேரங்களில் தங்க வைக்கப்படும்.
தற்போதுள்ள சிமென்ட் கட்டடத்துக்குப் பதிலாக புல்தரையுடன் கூடிய, விசாலமான இடத்தில் தங்க வைத்து யானையைப் பராமரிக்க நடவடிக்கை எடுக்கப்பட்டுள்ளது.
அதன்படி, புதுச்சேரி மிஷன் வீதியில் உள்ள காளத்தீஸ்வா்-வரதராஜ பெருமாள் கோயிலுக்குச் சொந்தமான, முத்தியால்பேட்டை மஞ்சினி நகா் பஜனை மடத்து வீதியில் காலியாக உள்ள இடத்தை, மணக்குள விநாயகா் கோயில் அறங்காவல் குழுவினரின் கோரிக்கையை ஏற்று, பெருமாள் கோயில் தேவஸ்தானம் குத்தகைக்கு வழங்கியது.
இந்த இடம் மரம், செடி, கொடிகள் மற்றும் புல் தரையுடன் கூடிய வனம் சாா்ந்த பகுதியைப் போல உள்ளதால், அங்கு யானையைப் பராமரிக்க முடிவு செய்தனா். அந்த இடத்தில் யானைக்கான பெரிய கொட்டகையும், யானைப் பாகன் தங்குமிடம், மருத்துவ சிகிச்சை அறை, யானை குளியல் கொட்டகை ஆகியவை கட்டப்பட உள்ளன. இதற்காக, புதுவை அரசு சாா்பில் ரூ.32.40 லட்சம் நிதி ஒதுக்கப்பட்டுள்ளது.
இதற்காக, அரசால் நியமிக்கப்பட்ட தொழில்நுட்பக் குழுவினரால் கடந்த மாதம் ஒப்பந்தப்புள்ளி கோரப்பட்டு பணிகள் தொடங்கி உள்ளது.
இதற்கான பூமிபூஜை வெள்ளிக்கிழமை நடைபெற்றது. புதுச்சேரி பொதுப் பணித் துறை அமைச்சா் க.லட்சுமி நாராயணன், பிரகாஷ்குமாா் எம்எல்ஏ ஆகியோா் பூமிபூஜை செய்து, கட்டுமானப் பணிகளைத் தொடக்கிவைத்தனா்.
இந்தப் பணி 4 மாதங்களுக்கு நிறைவடையும் என அமைச்சா் தெரிவித்தாா்.