புதுச்சேரி

காா் மோதியதில் மூதாட்டி பலி

DIN

புதுச்சேரி அருகே காா் மோதியதில் மூதாட்டி உயிரிழந்தாா்.

புதுச்சேரி அருகே வில்லியனூா் மேல்திருக்காஞ்சி பாலமுருகன் நகரைச் சோ்ந்தவா் தாயம்மாள் (70). இவா் தனது பெயரன் சுரேந்திரன் வீட்டில் வசித்து வந்தாா். இவா் வியாழக்கிழமை கடைக்குச் செல்வதற்காக மேல்திருக்காஞ்சி - உறுவையாறு சாலையில் சென்று கொண்டிருந்தாா்.

அப்போது, அங்கு வேகமாக வந்த காா் தாயம்மாள் மீது மோதியதில் பலத்த காயமடைந்த அவா் கரிக்கலாம்பாக்கம் ஆரம்ப சுகாதார நிலையத்துக்கு அழைத்துச் செல்லப்பட்டாா். அங்கு முதலுதவி சிகிச்சைக்குப் பிறகு புதுச்சேரி அரசு மருத்துவமனையில் தீவிர சிகிச்சைக்காக சோ்க்கப்பட்டாா். அங்கு தாயம்மாள் வியாழக்கிழமை இரவு உயிரிழந்தாா்.

விபத்து குறித்து புதுச்சேரி மேற்கு போக்குவரத்துப் பிரிவு போலீஸாா் வழக்குப் பதிந்து விசாரணை நடத்தி வருகின்றனா்.

கஞ்சா வைத்திருந்த சிறுவன் கைது: புதுச்சேரி வில்லியனூா் போலீஸாா் கோபாலன்கடை மேல்நிலை நீா்த்தேக்கத் தொட்டி அருகே வியாழக்கிழமை ரோந்துப் பணியில் ஈடுபட்ட போது, அங்கு நின்றிருந்த 17 வயது சிறுவனைப் பிடித்து சோதனையிட்டனா். அப்போது, அவா் 100 கிராம் கஞ்சா வைத்திருந்தது தெரிய வந்தது. அவரை போலீஸாா் கைது செய்து நீதிமன்றத்தில் வெள்ளிக்கிழமை ஆஜா்படுத்தினா். பின்னா், அரியாங்குப்பம் சிறுவா் சீா்திருத்தப் பள்ளியில் அடைத்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

‘உன்ன நினைச்சதும்’.. சித்தி இத்னானி!

ஃபேமிலி ஸ்டார் டிரைலர்!

விண்ணப்பித்துவிட்டீர்களா..? ரூ.1,25,000 சம்பளத்தில் இலங்கையில் ஆசிரியர் பயிற்றுநர் வேலை!

‘இஸ்ரேல் தனித்து செயல்படும்’ : நெதன்யாகு பதில்!

எம்.பி. சீட் கொடுக்காததால் கணேசமூர்த்தி தற்கொலையா? வைகோ பதில்

SCROLL FOR NEXT