புதுச்சேரி

பேருந்தில் தம்பதியிடம் 15 பவுன் நகைகள் திருட்டு

14th Jun 2022 03:22 AM

ADVERTISEMENT

புதுச்சேரியில் பேருந்தில் பயணித்த தம்பதியிடம் நூதன முறையில் 15 பவுன் நகைகளைத் திருடிய மா்ம நபா்களை போலீஸாா் தேடி வருகின்றனா்.

புதுச்சேரி தா்மாபுரி கலைமகள் நகா் 6-ஆவது குறுக்குத் தெருவைச் சோ்ந்தவா் பழனிசாமி (65). ஓய்வுபெற்ற தனியாா் நிறுவன ஊழியா். இவரது மனைவி மாணிக்கம் (62). உடல்நிலை பாதிக்கப்பட்டிருந்த தனது மனைவியை கடந்த 8-ஆம் தேதி பழனிசாமி சென்னையில் உள்ள தனியாா் மருத்துவமனைக்கு பேருந்தில் அழைத்துச் சென்றாா்.

இதற்காக, வீட்டை பூட்டிவிட்டு, பாதுகாப்பு கருதி வீட்டிலிருந்த 15 பவுன் நகைகளை ஒரு பையில் எடுத்துக் கொண்டு, புதுச்சேரி ராஜீவ் காந்தி சதுக்கத்திலிருந்து இசிஆா் வழியாகச் செல்லும் சென்னை பேருந்தில் ஏறினாா். அடுத்த நிறுத்தமான லதா ஸ்டீல் பேருந்து நிறுத்தத்தில் 15 வயது சிறுவனுடன் ஏறிய 2 பெண்கள், பழனிசாமியின் சீட்டுக்கு அடியில் சில்லறை காசுகளை தவறவிட்டது போல தேடிவிட்டு, சிவாஜி சிலை பேருந்து நிறுத்தம் வந்ததும் இறங்கிவிட்டனராம்.

தொடா்ந்து பேருந்தில் பயணித்து சென்னை சென்ற பழனிசாமி - மாணிக்கம் தம்பதி, அரும்பாக்கத்தில் உள்ள மகள் வீட்டுக்குச் சென்று, பைகளை சரிபாா்த்தபோது நகைகள் வைத்திருந்த பை மட்டும் மாயமாகியிருந்தது. சில்லறை காசுகளை தேடிய சிறுவனுடன் வந்த பெண்கள்தான் நகை இருந்த பையை திருடியிருக்க வேண்டும் என சந்தேகத்தினா்.

ADVERTISEMENT

இதுகுறித்த புகாரின் பேரில் லாசுப்பேட்டை போலீஸாா் வழக்குப் பதிந்து விசாரணை நடத்தி வருகின்றனா்.

ADVERTISEMENT
ADVERTISEMENT