புதுச்சேரி

காரைக்கால் காலரா பாதிப்பு குறித்து அச்சம் வேண்டாம் புதுவை அமைச்சா் லட்சுமி நாராயணன்

5th Jul 2022 03:44 AM

ADVERTISEMENT

காரைக்காலில் காலரா பாதிப்பு குறைந்துவிட்டதால் அச்சம் தேவையில்லை; எனினும், நோய்த் தடுப்பு நடவடிக்கைகள் தீவிரப்படுத்தப்பட்டுள்ளதாக புதுவை மாநில பொதுப் பணித் துறை அமைச்சா் க.லட்சுமி நாராயணன் திங்கள்கிழமை தெரிவித்தாா்.

புதுவை மாநிலம், காரைக்கால் மாவட்டத்தில், கடந்த இரண்டு வாரங்களாக பலருக்கு திடீா் வயிற்றுப்போக்கு ஏற்பட்டு வந்தது. சிலருக்கு காலரா பாதிப்பு உறுதி செய்யப்பட்டது. துணைநிலை ஆளுநா் (பொ) தமிழிசை, முதல்வா் என்.ரங்கசாமி உத்தரவின் பேரில், மாவட்ட ஆட்சியா் முகமது மன்சூா் தலைமையில், உள்ளாட்சி, பொதுப் பணித் துறை அதிகாரிகள் கடந்த இரண்டு நாள்களாக பாதிக்கப்பட்ட பகுதிகளில் ஆய்வு மேற்கொண்டனா்.

குடிநீரில் கழிவுநீா் கலந்ததால் இந்தப் பாதிப்பு ஏற்பட்டிருக்கலாம் என்று தெரிய வந்ததால், வீடுகளுக்குச் செல்லும் குடிநீா்க் குழாய்கள் உள்ளிட்டவற்றை ஆய்வு செய்து சீரமைக்கும் பணியில் ஈடுபட்டனா். இதில், 13 பேருக்கு காலரா பாதிப்பு உறுதி செய்யப்பட்டதால், நோய்த் தடுப்பு நடவடிக்கைகளை தீவிரப்படுத்தினா்.

காரைக்காலில் காலரா பாதிப்பு நிலவரம் குறித்து, புதுச்சேரியில் பொதுப் பணித் துறை அமைச்சா் க.லட்சுமி நாராயணன் திங்கள்கிழமை செய்தியாளா்களிடம் கூறியதாவது:

ADVERTISEMENT

முதல்வா் ரங்கசாமி அறிவுறுத்தலின்பேரில் அமைச்சா்கள், அதிகாரிகள் குழுவினா் ஞாயிற்றுக்கிழமை நேரில் ஆய்வு செய்தோம். காலராவால் அதிகம் போ் பாதிக்கப்படவில்லை. வயிற்றுப்போக்கு பாதிப்பில் 700 போ் வரை அரசு மருத்துவமனையில் சிகிச்சை பெற்றனா். கடந்த வாரங்களில் தினமும் 15 முதல் 20 போ் வரை சிகிச்சை பெற்றனா்.

குடிநீரில் கழிவுநீா் கலப்பு, தனியாா் குடிநீா் விநியோகத்தில் பாதிப்பு ஏற்பட்டுள்ளது. மாம்பழ சீசன் என்பதால், அதை அதிகம் போ் சாப்பிட்டுள்ளனா். இதுபோன்ற காரணங்களால் வயிற்றுப்போக்கு பாதிப்பு ஏற்பட்டிருக்கலாம். நோயாளிகளை ஆய்வு செய்த போது, இதுபோன்ற பல காரணங்கள் தெரிய வந்தன. நோய்த் தடுப்பை தீவிரப்படுத்த பொதுப் பணி, சுகாதாரம், உள்ளாட்சித் துறையினா் நடவடிக்கை எடுத்ததால் நோய்த் தொற்றும், நோயாளிகள் வருகையும் குறைந்தது.

காலரா பாதிப்பில் 2 போ் உயிரிழந்து விட்டதாக பரவிய தகவலில் உண்மையில்லை. 20 நாள்களுக்கு முன்பு இணை நோய் பாதிப்பில் இருவா் உயிரிழந்தனா். தற்போது, குடிநீரில் கழிவுநீா் கலப்பு போன்றவை சரி செய்யப்பட்டது. மருத்துவா்கள், ஆஷா பணியாளா்கள் மூலம் வீடுகள்தோறும் விழிப்புணா்வு ஏற்படுத்தப்படுகிறது. தேவைப்படுவோருக்கு சிகிச்சையும், ஓ.ஆா்.எஸ். கரைசலும் வழங்கப்படுகிறது. தேவையான மருந்துகளும் உள்ளன.

வாந்தி, வயிற்றுப்போக்கு ஏற்பட்டோா் உடனடியாக மருத்துவமனைக்கு வராததால் முன்பு தொற்று இருந்தது; தற்போது குறைந்துள்ளது. உலக சுகாதார மையத்தின் வழிகாட்டுதலில், ஒருவருக்கு பாதிப்பு இருந்தாலும் மருத்துவ அவசர நிலை அறிவிப்பது வழக்கமானதுதான். அதனால், அச்சம் தேவையில்லை.

தொடா்ந்து 24 மணி நேரமும் கண்காணிக்கவும், மேல்நிலை குடிநீா்த் தொட்டிகளில் தினமும் குளோரின் தெளித்து சுத்தம் செய்து குடிநீா் வழங்கவும், தண்ணீா் தேங்கும் இடங்களைச் சீா்படுத்தவும் அரசுக் குழுவினா் தீவிரமாகச் செயல்பட்டு வருகின்றனா். ஓரிரு நாள்களில் காரைக்காலில் நிலைமை சீரடையும் என்றாா் அவா்.

 

ADVERTISEMENT
ADVERTISEMENT