புதுவை மாநிலத்தில் ஞாயிற்றுக்கிழமை மேலும் 97 பேருக்கு கரோனா தொற்று உறுதி செய்யப்பட்டது.

இதுகுறித்து புதுவை சுகாதாரத் துறை வெளியிட்ட தகவல்:

புதுவை மாநிலத்தில் 1,214 பேரை பரிசோதனை செய்து ஞாயிற்றுக்கிழமை வெளியான முடிவுகளின்படி, புதுச்சேரியில் 82, காரைக்கால் 6, ஏனாம் 9 என 97 பேருக்கு (7.99 சதம்) கரோனா தொற்று உறுதி செய்யப்பட்டது. மாஹேவில் யாருக்கும் தொற்று இல்லை.

இதனால், மாநிலத்தில் கரோனாவால் பாதிக்கப்பட்டோரின் மொத்த எண்ணிக்கை 1,66,823-ஆக அதிகரித்தது.

தற்போது 9 போ் மருத்துவமனைகளிலும், 504 போ் வீடுகளில் தனிமைப்படுத்தப்பட்ட நிலையிலும் என மொத்தம் 513 போ் சிகிச்சையில் உள்ளனா். இதனிடையே 36 போ் குணமடைந்தனா் என அதில் கூறப்பட்டுள்ளது.

அனைவரும் கட்டாயம் முகக்கவசம் அணிந்து, சமூக இடைவெளியைக் கடைப்பிடித்து, கைகளை அடிக்கடி சுத்தம் செய்ய வேண்டும் என புதுவை சுகாதாரத் துறை அறிவுறுத்தியது.