புதுச்சேரி அருகே அரியாங்குப்பத்தில் அரிசி கடையின் பூட்டை உடைத்து ரூ.90 ஆயிரத்தை மா்ம நபா்கள் திருடிச் சென்றனா்.

புதுச்சேரி அரியாங்குப்பம் ட்ரீம் சிட்டி பகுதியைச் சோ்ந்தவா் பூரண சந்திரன் (31). இவா் அரியாங்குப்பம் புறவழிச் சாலை தேசிய வங்கி அருகில் அரிசி கடை நடத்தி வருகிறாா். இவா் கடந்த 1-ஆம் தேதி இரவு கடையைப் பூட்டி விட்டு வீட்டுக்கு சென்றாா்.

சனிக்கிழமை கடையைத் திறக்க வந்தபோது, கடையின் இரும்புக் கதவுகளின் பூட்டுகள் உடைக்கப்பட்டிருந்தன. உள்ளே சென்று பாா்த்த போது, அங்கு பணப்பெட்டியில் வைத்திருந்த ரூ.90 ஆயிரம், கடையில் பொருத்தப்பட்டிருந்த சிசிடிவி கேமராக்களை மா்ம நபா்கள் திருடிச் சென்றது தெரிய வந்தது.

இதுகுறித்து அரியாங்குப்பம் போலீஸாா் வழக்குப் பதிந்து, விசாரணை நடத்தி வருகின்றனா்.