புதுச்சேரி சிறைக்குள் சரக்கு வாகனத்தில் கஞ்சா, கைப்பேசிகள் உள்ளிட்டவற்றை கடத்திச் சென்ற இளைஞரை போலீஸாா் கைது செய்தனா்.

புதுச்சேரி காலாப்பட்டில் உள்ள சிறையில் புதன்கிழமை குடியரசு தின விழா கொண்டாடப்பட்டது. சிறைத் துறை ஐஜி ரவிதீப்சிங் சஹாா் தேசியக் கொடியை ஏற்றி வைத்து, சிறைத் துறைக் காவலா்களின் அணிவகுப்பு மரியாதையை ஏற்றுக்கொண்டாா்.

விழாவுக்காக, அங்கு ஒப்பந்ததாரா் மூலம் பந்தல் அமைக்கப்பட்டிருந்தது. இதற்காக வெளியிலிருந்து சிறைக்கு ஷாமியானா உள்ளிட்ட பொருள்களை சரக்கு வாகனத்தில் ஏற்றி வந்த வாகனத்தை சிறை அதிகாரிகள் சோதனையிட்டனா். அதில், 137 கிராம் கஞ்சா, 4 கைப்பேசிகள், 10 பொட்டலங்கள் தடைசெய்யப்பட்ட போதைப் பொருள்கள், 5 சிகரெட் லைட்டா்கள், 4 பீடி பண்டல்கள், 2 கைப்பேசி மின்னூட்ட கருவிகள் (சாா்ஜா்) இருந்தது கண்டறியப்பட்டது.

இதையடுத்து, அந்தப் பொருள்களை ஏற்றி வந்த சரக்கு வாகனத்தின் ஓட்டுநரும், அண்ணா சாலையில் உள்ள எலக்ட்ரிக்கல் நிறுவனத்தின் ஊழியருமான வம்பாகீரப்பாளையத்தைச் சோ்ந்த பாஸ்கரை (39) சிறை அதிகாரிகள் பிடித்தனா்.

விசாரணையில் அவா், ரௌடி பாம் ரவி இரட்டைக் கொலை வழக்கில் தொடா்புடைய ரௌடிகளுக்கு மேற்கண்ட பொருள்களை எடுத்து வந்ததை ஒப்புக்கொண்டாா்.

இதுகுறித்து போலீஸாா் சிறைத் துறை விதிமீறல் பிரிவின் கீழ், பாஸ்கா், கைதி விக்கி ஆகியோா் மீது வழக்குப் பதிந்து, பாஸ்கரை கைது செய்தனா். இந்த விவகாரம் தொடா்பாக சிறையில் உள்ள விக்கியை காலாப்பட்டு போலீஸாா் விரைவில் காவலில் எடுத்து விசாரிக்க முடிவு செய்துள்ளனா்.