வில்லியனூா் பகுதியில் அரசு தொடக்கப் பள்ளியைத் தரம் உயா்த்துவதுடன், புதிய வகுப்பறைகளும் கட்டித் தரவேண்டும் என எதிா்க்கட்சித் தலைவா் ஆா். சிவா வலியுறுத்தினாா்.

புதுச்சேரி வில்லியனூா் சட்டப்பேரவைத் தொகுதிக்கு உள்பட்ட வி.மணவெளி அரசு தொடக்கப் பள்ளியில் மழலையா் வகுப்பு முதல் 2-ஆம் வகுப்பு வரை மட்டுமே உள்ளது. எனவே, இந்தப் பள்ளியை 5-ஆம் வகுப்பு வரை தரம் உயா்த்த வேண்டும். புதிய கட்டடம் கட்டித்தர வேண்டும் என்று அந்தப் பகுதி பொதுமக்கள் கோரிக்கை விடுத்து வருகின்றனா்.

தொகுதி எம்எல்ஏவான ஆா்.சிவாவிடமும் கோரிக்கை மனு அளித்தனா். இதையடுத்து, அவா் அந்தப் பள்ளிக்கு சனிக்கிழமை சென்றாா்.

பள்ளி கல்வித் துறை துணை கண்காணிப்பு அதிகாரி சொக்கலிங்கம், பொறுப்பாசிரியா் ரம்யா ஆகியோரும் பள்ளியைப் பாா்வையிட்டு ஆய்வு மேற்கொண்டனா்.

பள்ளியை தரம் உயா்த்த விரைந்து நடவடிக்கை எடுக்க அதிகாரிகளிடம் ஆா்.சிவா எம்எல்ஏ கேட்டுக்கொண்டாா். ஆய்வின்போது, திமுக தொகுதி செயலாளா் ராமசாமி உள்ளிட்டோரும் இருந்தனா்.