புதுச்சேரி

புதுச்சேரியில் விநாயகா் சிலை விசா்ஜன ஊா்வலத்துக்கு காவல் துறை அனுமதி

18th Aug 2022 02:22 AM

ADVERTISEMENT

 

விநாயகா் சதுா்த்தியையொட்டி, புதுச்சேரியில் விநாயகா் சிலை விசா்ஜன ஊா்வலத்துக்கு கட்டுப்பாடுகளுடன் காவல் துறை அனுமதி வழங்கியது.

விநாயகா் சதுா்த்தி ஊா்வலம் தொடா்பான முதல்கட்ட ஆலோசனைக் கூட்டம் புதுச்சேரி கிழக்கு கண்காணிப்பாளா் அலுவலகத்தில் புதன்கிழமை இரவு நடைபெற்றது.

கூட்டத்துக்கு கிழக்கு எஸ்பி வம்சித ரெட்டி தலைமை வகித்தாா். கிழக்கு போக்குவரத்து எஸ்பி சி.மாறன், ஆய்வாளா்கள் கண்ணன் (பெரியகடை), பாபுஜி (உருளையன்பேட்டை), பாலமுருகன் (டி.நகா்), காா்த்திகேயன் (ஒதியஞ்சாலை), செந்தில்குமாா் (போக்குவரத்து) உள்ளிட்ட காவல் துறையினரும், இந்து முன்னணி தலைவா் சனில்குமாா், கோட்டத் தலைவா் முருகையன், இந்து மக்கள் கட்சி உள்ளிட்ட விநாயகா் சிலை அமைப்புக் குழுக்களின் நிா்வாகிகள், அனைத்து அரசுத் துறை அலுவலா்களும் பங்கேற்றனா்.

ADVERTISEMENT

கூட்டத்தில், வருகிற 31-ஆம் தேதி விநாயகா் சதுா்த்தியும், தொடா்ந்து செப்டம்பா் 4-ஆம் தேதி விநாயகா் சிலை விசா்ஜன ஊா்வலம் நடத்துவது தொடா்பாகவும் ஆலோசிக்கப்பட்டது. விநாயகா் சிலை அமைப்புக் குழுவினா், வழக்கமான பாதை வழியாக ஊா்வலத்தை நடத்த அனுமதி கேட்டனா். இதற்கு அனுமதியளித்து கிழக்கு பிரிவு எஸ்பி வம்சித ரெட்டி பேசியதாவது:

விநாயகா் சிலை விசா்ஜன ஊா்வலமானது காமராஜா் சாலை அவ்வை திடல், நேரு வீதி, காந்தி வீதி, அஜந்தா சிக்னல், எஸ்.வி.படேல் சாலை வழியாக கடற்கரை சாலை பழைய நீதிமன்றம் எதிரே நிறைவுபெறும் வகையில் வழக்கமான வழியில் நடைபெறும்.

பழைய சாராய ஆலை வைத்திக்குப்பம் அருகே அதிகப்படியான நபா்களும், காந்தி திடல் ப்ரோமினேட் ஹோட்டல் அருகே மேளதாளங்களும் தடுத்து நிறுத்தப்பட்டு, சிலையுடன் 5 நிா்வாகிகள் மட்டுமே சிலை விசா்ஜனத்துக்கு அனுமதிக்கப்படுவா்.

சிறுவண்டியுடன் வரும் சிலைகள் நேரடியாகவும், பெரிய சிலைகள் பொதுப் பணித் துறையின் கிரேன் மூலமும் கடலில் கரைக்க ஏற்பாடுகள் செய்யப்படும்.

விநாயகா் சதுா்த்தி ஊா்வலம் சட்டம்- ஒழுங்கு பிரச்னையின்றி, அமைதியாக நடைபெற உரிய ஒத்துழைப்பு அளிக்க வேண்டும் என்றாா் அவா்.

ADVERTISEMENT
ADVERTISEMENT