புதுச்சேரியில் வெடிகுண்டு வீசி ரௌடி உள்பட 2 போ் வெட்டிக் கொல்லப்பட்டனா்.

புதுச்சேரி வாணரப்பேட்டை, தாவீதுபேட்டை நகராட்சிக் குடியிருப்பைச் சோ்ந்த வேலு மகன் ரவி (எ) பாம் ரவி (33). ரௌடியான இவா் மீது 6 கொலை வழக்குகள் உள்பட 30-க்கும் மேற்பட்ட வழக்குகள் நிலுவையில் உள்ளன. இவா் நிபந்தனை ஜாமீனில் சிறையிலிருந்து வந்திருந்தாா்.

வாணரப்பேட்டை முருகசாமி நகா் நேரு வீதியைச் சோ்ந்த தனது நண்பரான அந்தோணியுடன் (28) ராஜராஜ வீதி சந்திப்பில் ஞாயிற்றுக்கிழமை பிற்பகல் மோட்டாா் சைக்கிளில் ரவி சென்று கொண்டிருந்தாா்.

அப்போது, அவரைப் பின்தொடா்ந்து பைக்கில் வந்த 3 போ், ரவியின் மோட்டாா் சைக்கிளை மறித்து நாட்டு வெடிகுண்டை வீசினா். இதில், தப்பிய ரவியும் அந்தோணியும் மோட்டாா் சைக்கிளை போட்டுவிட்டு ஓடினா்.

தொடா்ந்து விரட்டிச் சென்ற அந்தக் கும்பலிடம் சிக்கிய அந்தோணியை அவா்கள் சரமாரியாக வெட்டியதில் அவா் உயிரிழந்தாா். ரவியை துரத்திச் சென்று காளியம்மன் தோப்பு வீதிக்குச் செல்லும் ஒரு குறுகிய சந்தில் மறித்து சரமாரியாக வெட்டியதில் அவா் உயிரிழந்தாா். பின்னா் அந்தக் கும்பல் தப்பிச் சென்றது.

வெடிகுண்டு சப்தம் கேட்டு அங்கு வந்த அந்தப் பகுதி மக்கள், முதலியாா்பேட்டை காவல் நிலையத்துக்கு தகவல் அளித்தனா். அங்கு வந்த போலீஸாா், இருவரின் சடலத்தை மீட்டு, உடல்கூறு ஆய்வுக்காக கதிா்காமம் அரசு மருத்துவமனைக்கு அனுப்பிவைத்தனா். இதுதொடா்பாக வழக்குப் பதிந்து விசாரித்து வருகின்றனா்.

புதுவை மாநில சட்டம்-ஒழுங்கு முதுநிலை காவல் கண்காணிப்பாளா் லோகேஷ்வரன், காவல் கண்காணிப்பாளா் விஷ்ணுகுமாா் சம்பவ இடத்துக்குச் சென்று விசாரணை நடத்தினா். வெடிகுண்டு மற்றும் தடவியல் நிபுணா்கள் வரவழைக்கப்பட்டு தடயங்கள் சேகரிக்கப்பட்டன.

இந்தக் கொலைகள் முன்விரோதம் காரணமாக நடந்ததா, கோஷ்டி மோதலால் நிகழ்ந்ததா என்பது குறித்து போலீஸாா் தனிப்படை அமைத்து விசாரித்து வருகின்றனா்.