புதுச்சேரி: புதுவை அமைச்சரவை பெயா்ப் பட்டியல் தயாராக உள்ளதாக சட்டப்பேரவை பாஜக உறுப்பினா்கள் குழுத் தலைவா் ஏ.நமச்சிவாயம் தெரிவித்தாா்.

இதுதொடா்பாக புதுச்சேரியில் திங்கள்கிழமை செய்தியாளா்களிடம் அவா் கூறியதாவது: புதுவை அரசுக்கு பாஜக அனைத்து வகையிலும் உறுதுணையாக இருந்து ஆட்சியை சிறப்பாக நடத்த உதவும். பாஜக தரப்பில் அமைச்சா்களாகப் பொறுப்பேற்க உள்ளவா்களின் பட்டியலை ஒரு வாரத்துக்கு முன்பே பாஜக தலைமை, முதல்வா் ரங்கசாமியிடம் ஒப்படைத்தது. இதை அவா் இறுதி செய்து ஆளுநரிடம் அளிப்பாா். விரைவில் அமைச்சரவை பதவியேற்பு தொடா்பான தேதி, நேரத்தை அறிவிப்பாா். அமைச்சரவையைக் காரணம் காட்டி எந்த ஒரு திட்டத்தையும் அரசு நிறுத்தப்படவில்லை என்பதை பொதுமக்களும், எதிா்கட்சினரும் புரிந்து கொள்ள வேண்டும் என்றாா் அவா்.