புதுச்சேரி பாவாணா் நகரில் கூலித் தொழிலாளி கொலை செய்யப்பட்ட வழக்கில் இளைஞரை போலீஸாா் கைது செய்தனா்.

புதுச்சேரி பாவாணா் நகா் அரசுக் குடியிருப்பைச் சோ்ந்தவா் ஆசைத்தம்பி (32). திருமணமாகாதவா். கரோனா பொது முடக்கம் காரணமாக சில வாரங்களாக வேலையின்றி வீட்டில் இருந்தாா்.

இந்த நிலையில், ஆசைத்தம்பி வியாழக்கிழமை நள்ளிரவு தனது நண்பா்களுடன் அங்குள்ள பூங்கா அருகே மது அருந்திக் கொண்டிருந்த நிலையில், தலையில் காயத்துடன் கிடந்தாராம். அந்தப் பகுதியினா் அவரை மீட்டு, அரசு மருத்துவமனைக்கு அனுப்பிவைத்தனா். அங்கு, அவரை பரிசோதித்த மருத்துவா், ஆசைத்தம்பி ஏற்கெனவே இறந்துவிட்டதாக தெரிவித்தாா்.

இதுகுறித்து ரெட்டியாா்பாளையம் போலீஸாா் வழக்குப் பதிந்து விசாரித்தனா். முதல் கட்ட விசாரணையில், அதே பகுதியைச் சோ்ந்த ரஞ்சித் (எ) முத்துக்கொட்டை (25), மது மயக்கத்தில் இருந்த ஆசைத்தம்பியை கீழே தள்ளவிட்டதில், சாலையில் விழுந்து தலையில் அடிபட்டு இறந்தது தெரிய வந்தது.

இதையடுத்து, ரஞ்சித்தை போலீஸாா் கைது செய்து விசாரித்ததில், ஆசைத்தம்பி தனது நண்பா்களான பழனி (46), கோபி (40) ஆகியோருடன் மது அருந்திய போது, முன் பகை காரணமாக வாக்குவாதம் ஏற்பட்டு, பழனியை மற்ற 2 பேரும் சோ்ந்து தாக்கியதும், சப்தம் கேட்டு அங்கு வந்த பழனியின் அக்கா மகன் ரஞ்சித், ஆசைத்தம்பியை தாக்கி கீழே தள்ளியதில், அவா் தலையில் அடிப்பட்டு இறந்ததாக போலீஸாா் தெரிவித்தனா்.