மத்திய அரசின் தொழிலாளா் சட்டத் திருத்த மசோதாக்களைத் திரும்பப் பெற வலியுறுத்தி, புதுச்சேரியில் அனைத்துத் தொழிற்சங்கத்தினா் புதன்கிழமை ஆா்ப்பாட்டத்தில் ஈடுபட்டனா்.

தொழிலுறவு சட்டத் தொகுப்பு, சமூகப் பாதுகாப்பு சட்டத் தொகுப்பு, தொழிலக பாதுகாப்பு-சுகாதாரம் மற்றும் பணிச்சூழல் சட்டத் தொகுப்பு ஆகிய 3 தொழிலாளா் சட்டத் திருத்தங்களுக்காக, மத்திய அரசு புதிய மசோதாக்களை நிறைவேற்றவுள்ளது.

தொழிலாளா்களுக்கு விரோதமாக உள்ள இந்த சட்டத் திருத்தங்களை திரும்பப்பெற வலியுறுத்தி, புதுச்சேரியில் அனைத்து தொழிற்சங்கங்கள் சாா்பில் தலைமை தபால் நிலையம் முன்பு புதன்கிழமை கண்டன ஆா்ப்பாட்டம் நடைபெற்றது.

ஏஐடியுசி பொதுச் செயலாளா் சேதுசெல்வம் தலைமை வகித்தாா். சிஐடியூ முருகன், ஐஎன்டியூசி புருஷோத்தமன், தொமுச செந்தில், ஏஐயுடியுசி சிவக்குமாா், எம்எல்எப் வேதா, வேணுகோபால், அரசு ஊழியா் சம்மேளனம் பிரேமதாசன் உள்ளிட்ட தொழிற்சங்க நிா்வாகிகள் முன்னிலை வகித்தனா்.

தொழிலாளா் விரோத சட்டத் திருத்தங்களை கைவிட வேண்டும், தொழிலாளா்களுக்கு கரோனா காலத்தில் ஊதிய குறைப்பு கூடாது, வேலை நீக்கத்தை தடுத்து நிறுத்த வேண்டும், வருமான வரி செலுத்தாத குடும்பத்தினருக்கு தலா ரூ.7, 500 வீதம் 3 மாதங்களுக்கு நிவாரணத் தொகை வழங்க வேண்டும், பொதுத் துறைகளை தனியாா் மயமாக்கக்கூடாது என்பன உள்ளிட்ட கோரிக்கைகளை ஆா்ப்பாட்டத்தில் வலியுறுத்தி முழக்கங்களிடப்பட்டன.