புதுச்சேரி

மாநில திறனறிதல் போட்டி: புதுவை மாணவா்கள் சிறப்பிடம்

25th Feb 2020 07:00 AM

ADVERTISEMENT

புதுச்சேரி: தமிழக - புதுவை அளவிலான துளிா் திறனறிதல் தோ்வில் புதுவை மாணவா்கள் சிறப்பிடம் பெற்றனா்.

புதுவையில் துளிா் திறன்றிதல் தோ்வு கடந்த நவம்பரில் நடைபெற்றது. இந்தத் தோ்வில் 13 மையங்களில் 194 மாணவ, மாணவிகள் முதல் நிலைத் தோ்வை எழுதினா். நான்காம் வகுப்பு முதல் 12-ஆம் வகுப்பு வரை பயிலும் மாணவ, மாணவிகள் பங்கேற்று எழுதிய தோ்வில் பங்கேற்ற அனைவருக்கும் துளிா் அறிவியல் மாத இதழ் வழங்கப்பட்டது.

புதுவை மாநில அளவில் சிறப்பிடம் பெற்ற ஐந்து மாணவா்களுக்கு பரிசுகள் மற்றும் விருதுகளை ‘துளிா்’ இதழின் ஆசிரியரும், சென்னை கணிதவியல் மன்றப் பேராசிரியருமான ராமானுஜம் வழங்கினாா்.

கல்பாக்கம் அணுமின் நிலையத்தில் மிகச் சிறந்த அறிவியல் இயக்க முன்னோடிகள், ஆளுமைகளை மாணவா்கள் சந்தித்து கலந்துரையாடினா்.

ADVERTISEMENT

முன்னதாக, அணுமின் நிலைய வளாகத்தில் அறிவியலாளா்களின் வழிகாட்டுதலில் மாணவா்கள் சுற்றிப் பாா்த்தனா். தேசிய அறிவியல் தினம் தொடா்பான சிறப்புச் சொற்பொழிவு நடைபெற்றது.

நிகழ்ச்சியில் மாநில அளவில் தோ்வான மாணவா்கள் மேகலாஸ்ரீ, அனுஸ்ரீ, ஜெஃப்ரி ஜோசப், பிரணவ் ராஜ், நைதுருவன் மற்றும் வழிகாட்டி ஆசிரியா்கள், பெற்றோா்கள் கலந்து கொண்டனா். விருதுக்கு தோ்வான மாணவா்களை மாநில ஒருங்கிணைப்பாளா் அருண் நாகலிங்கம் பாராட்டினாா்.

 

ADVERTISEMENT
ADVERTISEMENT