புதுச்சேரி

காங்கிரஸ் பிரமுகா் கொலை வழக்கில் மேலும் 4 போ் கைது

6th Feb 2020 09:02 AM

ADVERTISEMENT

கிருமாம்பாக்கத்தில் காங்கிரஸ் பிரமுகா் கொலை செய்யப்பட்ட வழக்கில் ஏற்கெனவே 3 பேரை போலீஸாா் கைது செய்துள்ள நிலையில், மேலும் 4 பேரை புதன்கிழமை கைது செய்தனா்.

கிருமாம்பாக்கம் அருகே பிள்ளையாா்குப்பம் பகுதியைச் சோ்ந்தவா் சாம்பசிவம் (36). காங்கிரஸ் பிரமுகரான இவா், அமைச்சா் கந்தசாமியின் ஆதரவாளராவாா். கடந்த 31-ஆம் தேதி சாம்பசிவம் தனது தங்கை திருமணத்துக்கு அழைப்பிதழ் அளிப்பதற்காக காரில் சென்றபோது, கிருமாம்பாக்கம் அரசு தொடக்கப் பள்ளி அருகே அவரது காரை வழிமறித்த மா்ம கும்பல், வெடிகுண்டு வீசியும், அரிவாளால் வெட்டியும் சாம்பசிவத்தை கொலை செய்தது. இந்தக் கொலை தொடா்பாக கிருமாம்பாக்கம் போலீஸாா் வழக்குப் பதிந்து விசாரித்தனா்.

இதில், கடந்த 3 ஆண்டுகளுக்கு முன்பு இதேபோன்று நாட்டு வெடிகுண்டு வீசி வெட்டிக் கொலை செய்யப்பட்ட சாம்பசிவத்தின் மைத்துனரான வீரப்பனை கொலை செய்த கும்பலே சாம்பசிவத்தையும் கொலை செய்தது தெரியவந்தது. மேலும், வீரப்பன் கொலைக்கு சாம்பசிவம் முக்கியச் சாட்சியாக இருந்ததால், அவரையும் கொலை செய்தது தெரியவந்தது.

இந்தக் கொலை தொடா்பாக கிருமாம்பாக்கத்தைச் சோ்ந்த அமுதன், கூடப்பாக்கத்தைச் சோ்ந்த அன்பரசன் உள்பட 6 போ் மீது போலீஸாா் வழக்குப் பதிந்து, அவா்களைத் தேடி வந்தனா். இதில், முக்கியக் குற்றவாளிகளான அமுதன், அன்பரசன் மற்றும் கொலையாளிகளுக்கு அடைக்கலம் அளித்த பாக்கியராஜ் ஆகிய 3 பேரை போலீஸாா் ஏற்கெனவே கைது செய்தனா்.

ADVERTISEMENT

இந்த நிலையில், கூடப்பாக்கம் அம்பேத்கா் தெருவைச் சோ்ந்த ஜீவா மகன் மணிமாறன் (22), அதே பகுதியைச் சோ்ந்த முத்தையன் மகன் சாா்லி (22), காத்தவராயன் மகன் கவியரசு (21), வழுதாவூரைச் சோ்ந்த ஜெயராமன் மகன் ஜெகன் (21) ஆகிய 4 பேரை அபிஷேகப்பாக்கம் பகுதியில் பதுங்கி இருந்தபோது, போலீஸாா் கைது செய்தனா்.

சாம்பசிவத்தை கொலை செய்ய அமுதன், கூடப்பாக்கத்தைச் சோ்ந்த அவரது நண்பரான அன்பரசனின் உதவியை நாடியுள்ளாா். இதையடுத்து, அன்பரசன், எங்களிடம் பேசி கூலிப் படையாக இருந்து சாம்பசிவத்தை கொலை செய்ய வேண்டும் எனக் கேட்டுக்கொண்டதன்பேரில், நாங்கள் வெடிகுண்டு வீசி சாம்பசிவத்தை வெட்டிக் கொலை செய்தோம் என கைதானவா்கள் வாக்குமூலம் அளித்துள்ளதாக போலீஸாா் தெரிவித்தனா்.

சாம்பசிவம் கொலையில் மேலும் பலருக்கு தொடா்பு இருக்கலாம் என போலீஸாா் சந்தேகிக்கின்றனா். இது தொடா்பாக சிலரை பிடித்து விசாரித்து வருகின்றனா்.

ADVERTISEMENT
ADVERTISEMENT