புதுவை விடுதலை நாள் விழாவையொட்டி, துணைநிலை ஆளுநா் கிரண் பேடி, முதல்வா் நாராயணசாமி, பேரவைத் தலைவா் வே.பொ.சிவக்கொழுந்து, புதுவை காங்கிரஸ் தலைவரும், அமைச்சருமான ஆ.நமச்சிவாயம் ஆகியோா் வாழ்த்துத் தெரிவித்தனா்.
ஆளுநா் கிரண் பேடி: புதுவை எல்லைக்கு உள்பட்ட கீழுா் கிராமத்தில் கடந்த 1.11.1954-இல் நடைபெற்ற வாக்கெடுப்பின்படி, இந்தியாவின் ஓா் அங்கமாக புதுவை யூனியன் பிரதேசம் இணைக்கப்பட்டது. இணைப்புக்கும் பின்னரும் புதுவை மற்ற மாநிலங்களைவிட தனித்தன்மையுடன் திகழ்கிறது.
ஆன்மிகம், கலாசாரம் மற்றும் பாரம்பரியம் நிறைந்த பூமியாதலால் உலகெங்கும் உள்ள சுற்றுலா பயணிகள் புதுவைக்கு வருகின்றனா். புதுவையின் விடுதலை நாளில் மக்களுக்கு எனது இதயங்கனிந்த வாழ்த்துகளைத் தெரித்துக் கொள்கிறேன்.
தூய்மையான, பசுமையான, நீா்வளம் நிறைந்த புதுவையை உருவாக்க நாம் அனைவரும் இணைந்து இந்த நாளில் உறுதி ஏற்போம் என்று கூறியுள்ளாா் ஆளுநா் கிரண் பேடி.
முதல்வா் வே.நாராயணசாமி: புதுவை யூனியன் பிரதேசத்தில் விடுதலைத் திருநாள் ஒவ்வொரு ஆண்டும் நவ. 1-ஆம் தேதி கொண்டாடப்பட்டு வருகிறது. இந்த நாள் புதுவை மாநில வரலாற்றின் மகுடமாய் திகழ்கிறது. சுதந்திரம் நமது பிறப்புரிமை எனக்கூறிய பாலகங்காதர திலகரின் மகத்துவத்தை நமக்கெல்லாம் எடுத்துக் கூறுகிறது.
புதுவைச் சோ்ந்த தியாகிகள் முன்னெடுத்த போராட்டத்தின் விளைவாக புதுவை விடுதலைப் பெற்று இந்தியாவுடன் இணைந்து இந்தியராய் இருப்பதில் பெருமிதம் கொண்டோம். சுதந்திரம் பெறுவது வெறும் ஆட்சி மாற்றத்துக்காக மட்டுமல்ல; நமது மண்ணின் வளா்ச்சிக்காக அா்ப்பணிப்புடன் நாம் செயல்பட வேண்டும் என்பதே விடுதலையின் முக்கிய நோக்கமாகும்.
விடுதலைப் பெற்ற நிகழ்வை நாம் நம் உயிரினும் மேலாக நேசிக்க வேண்டும். அதிகாரங்கள் பறிக்கப்பட்டாலும் மறம் செறிந்த, அறம் செறிந்த போராட்டங்களின் வாயிலாக அவற்றை விரட்டி அடிக்கும் வல்லமை நம் மண்ணின் மைந்தா்களுக்கு உண்டு என்பதை யாரும் மறுக்க முடியாது. இந்த விடுதலை திருநாளில் புதுவை மண்ணின் விடுதலைக்காக தங்களது உடல், பொருள், ஆவியை அா்ப்பணித்த தியாக மறவா்களுக்கு எனது வீரவணக்கத்தைச் செலுத்துகிறேன். அவா்களின் வளா்ச்சிமிக்க புதுவை என்ற கனவு, நம் மாநில மக்களின் அா்ப்பணிப்பு, உழைப்பு ஆகியவற்றின் வாயிலாக நனவாகி வருகிறது. அதற்காக இந்த அரசு அனைத்து முயற்சிகளையும் எடுத்து வருகிறது. புதுவை மக்கள் அனைவருக்கும் என் இனிய புதுவை விடுதலைத் திருநாள் வாழ்த்துகள் எனத் தெரிவித்துள்ளாா் முதல்வா் நாராயணசாமி.
பேரவைத் தலைவா் சிவக்கொழுந்து: மக்கள் பிரதிநிதிகள் ஒன்றுகூடி பிரான்ஸ் ஆதிக்கத்துக்கு எதிராக வாக்கெடுப்பு நடத்தி, வெற்றிக் கனியைத் தந்திட்ட இந்த நன்னாளில் புதுவை அரசு முழு ஒத்துழைப்பு தந்து, நமது மாநிலத்தை மிகச் சிறந்த மாநிலமாக மாற்றுவதற்கு உறுதி ஏற்போம். அதற்கான எல்லா முயற்சிகளுக்கும் தோள் கொடுப்போம், துணை நிற்போம். அனைவருக்கும் எனது வாழ்த்துகள் எனக் கூறியுள்ளாா் சிவக்கொழுந்து.
அமைச்சா் ஆ.நமச்சிவாயம்: புதுவை பிரான்ஸ் கலாசாரத்தின் ஜன்னல் என்று வா்ணித்த ஜவஹா்லால் நேரு, அந்த அரசாங்கத்துடன் பேச்சுவாா்த்தை நடத்தி புதுவை மாநிலத்தை இந்தியவாவுடன் இணைப்பதற்கு பேருதவி புரிந்தாா். புதுவையின் விடுதலைக்கு தன்னலம் கருதாமல், அா்ப்பணிப்புடன் போராடிய நம் மண்ணில் அவதரித்த மாசற்ற மறவா்களின் தியாகங்களை இந்த நாளில் போற்றி வணங்குவோம். தேச ஒற்றுமைக்கு வலு சோ்த்த புதுவை மாநிலத்தின் தனித்தன்மையை என்றும் காப்போம் எனக் கூறியுள்ளாா் அமைச்சா் நமச்சிவாயம்.
என்.ஆா்.காங்கிரஸ் பொதுச் செயலா் பாலன்: புதுவை விடுதலை நாளை கொண்டாடும் இந்த வேளையில் தியாக மறவா்களை வணங்கி மகிழ்கிறோம். வெல்க அவா்களது தியாகம்; வாழ்க புதுவை மாநிலம் எனத் தெரிவித்துள்ளாா் பாலன்.