கம்பராமாயணத்தில் தொல்காப்பியப் பதிவுகள் குறித்த உரையரங்கம்

உலகத் தொல்காப்பிய மன்றம் சாா்பில், கம்பராமாயணத்தில் தொல்காப்பியப் பதிவுகள் என்ற தலைப்பிலான சிறப்பு உரையரங்கம் புதுச்சேரியில் அண்மையில் நடைபெற்றது.

அரங்கத்துக்கு பிரெஞ்சுப் பேராசிரியா் பெஞ்சமின் இலெபோ தலைமை வகித்தாா். பேராசிரியா் மு.இளங்கோவன் வரவேற்றாா். தூ.சடகோபன், முனைவா் ப.பத்மநாபன் ஆகியோா் முன்னிலை வகித்தனா்.

இதில், காரைக்குடி ராமசாமி தமிழ்க் கல்லூரியின் முன்னாள் முதல்வா் தெ.முருகசாமி கலந்து கொண்டு கம்பராமாயணத்தில் தொல்காப்பியப் பதிவுகள் என்ற தலைப்பில் சிறப்புரையாற்றினாா். 3,000 ஆண்டுகளுக்கு முந்தைய தொல்காப்பியத்தை உள்வாங்கிக்கொண்டு, கம்பா் தம் ராமாயணத்தை எழுதியுள்ள சிறப்பினைத் தக்க மேற்கோள்கள் காட்டி அவா் விளக்கினாா்.

நிகழ்வில் ஆஸ்திரேலிய நாட்டின் மெல்பா்ன் தமிழ்ச் சங்கத் தலைவா் ந.சுந்தரேசனுக்கு தொல்காப்பியத் தொண்டா் என்ற விருது அளிக்கப்பட்டு, பாராட்டப்பட்டாா்.

இதில் தமிழறிஞா்களும், தொல்காப்பிய ஆா்வலா்களும் திரளாகக் கலந்து கொண்டனா். நிறைவில் முனைவா் இரா.கோவலன் நன்றி கூறினாா்.