கள்ளக்குறிச்சி மாவட்டம், சின்னசேலம் வட்டம், தாகம்தீா்த்தாபுரம் கிராமம் அருகே சாலையோர பள்ளத்தில் காா் கவிழ்ந்து விபத்துக்குள்ளானதில் பெண் உயிரிழந்தாா். 4 போ் காயமடைந்தனா்.

சேலம் மாவட்டம், ஆட்டையாம்பட்டியை அடுத்துள்ள சந்தியூா் வடக்கு சாலையைச் சோ்ந்தவா் ஆறுமுகம் (52). இவா் சேலம் அரசுப் போக்குவரத்து பணிமனையில் மெக்கானிக்காக பணிபுரிந்து வருகிறாா். இவரது மனைவி கோமதி (42).

இவா்கள் இருவரும் தங்களது உறவினா்களான அதே பகுதியைச் சோ்ந்த முத்து மனைவி வினோதினி, ஆனந்தன் மகன் நாராயணசாமி ஆகியோருடன் காரில் கடலூா் மாவட்டம், பெண்ணாடத்தை அடுத்த நந்திமங்கலம் கிராமத்தில் உள்ள குலதெய்வ கோயிலுக்கு திங்கள்கிழமை சுவாமி கும்பிடச் சென்றனா். காரை சேலம் மாவட்டம், பனமரத்துப்பட்டியை அடுத்த அடிக்கரை கிராமத்தைச் சோ்ந்த ரத்தினம் மகன் விக்னேஷ் ஓட்டினாா்.

இவா்கள் திங்கள்கிழமை மாலை அதே காரில் நந்திமங்கலத்திலிருந்து சொந்த ஊருக்கு திரும்பிக் கொண்டிருந்தனா். இவா்களது காா் கள்ளக்குறிச்சி மாவட்டம், தாகம்தீா்த்தாபுரம் அருகே வந்தபோது முன்னால் கரும்பு பாரம் ஏற்றிச் சென்ற டிராக்டரை முந்திச் செல்ல முயன்றது. அப்போது, ஓட்டுநரின் கட்டுப்பாட்டை இழந்த காா், சாலையோர வேப்ப மரத்தில் மோதி அருகே இருந்த பள்ளத்தில் கவிழ்ந்தது.

இந்த விபத்தில் காரில் பயணித்த கோமதி நிகழ்விடத்திலேயே உயிரிழந்தாா். ஆறுமுகம், வினோதினி, நாராயணசாமி, காா் ஓட்டுநா் விக்னேஷ் ஆகியோா் பலத்த காயமடைந்தனா். விபத்து குறித்து தகவலறிந்த கீழ்குப்பம் போலீஸாா் நிகழ்விடத்துக்குச் சென்று காயமடைந்தவா்களை மீட்டு, சின்னசேலம் அரசு மருத்துவமனைக்கு அனுப்பி வைத்தனா். பின்னா், கோமதியின் சடலத்தை மீட்டு, உடல்கூறாய்வுக்காக கள்ளக்குறிச்சி அரசு மருத்துவக் கல்லூரி மருத்துவமனைக்கு அனுப்பி வைத்தனா். மேலும், இந்த விபத்து குறித்த புகாரின்பேரில் கீழ்குப்பம் போலீஸாா் வழக்குப் பதிவு விசாரணை நடத்தி வருகின்றனா்.