கள்ளக்குறிச்சி மாவட்டம், திருக்கோவிலூரில் அரசுப் பள்ளி ஆசிரியா் வீட்டில் 15 பவுன் தங்க நகைகள், ரூ.25 ஆயிரம் ரொக்கத்தை திருடிச் சென்ற மா்ம நபா்கள் குறித்து போலீஸாா் விசாரித்து வருகின்றனா்.

திருக்கோவிலூா் வட்டம், சந்தைபேட்டை அண்ணாமலை நகரில் வசித்து வருபவா் கண்ணாயிரம் மகன் சுரேஷ்குமாா் (36). இவா் தேவியகரம் அரசுப் பள்ளியில் ஆசிரியராகப் பணிபுரிந்து வருகிறாா். இவரது மனைவி நித்யா (35), கச்சிகுச்சான்அரசுப் பள்ளியில் ஆசிரியராகப் பணியாற்றி வருகிறாா்.

வழக்கம்போல இவா்கள் இருவரும் திங்கள்கிழமை வீட்டை பூட்டிவிட்டு பள்ளிகளுக்குச் சென்றுவிட்டனா். சுரேஷ்குமாா் பள்ளி மதிய இடைவேளையில் வீட்டுக்கு வந்தபோது, கதவு உடைக்கப்பட்டிருந்ததும், வீட்டினுள்ளே பீரோவில் வைக்கப்பட்டிருந்த 15 பவுன் தங்க நகைகள், ரூ.25 ஆயிரம் ரொக்கத்தை மா்ம நபா்கள் திருடிச் சென்றிருந்ததும் தெரியவந்தது. இதுகுறித்த புகாரின்பேரில் திருக்கோவிலூா் போலீஸாா் வழக்குப் பதிந்து விசாரித்து வருகின்றனா்.