மாற்றுத் திறனாளிகள் தன்னம்பிக்கையுடன் வாழ்வில் வெற்றிபெற வேண்டும் என்று கள்ளக்குறிச்சி மாவட்ட ஆட்சியா் ஷ்ரவன் குமாா் அறிவுறுத்தினாா்.

கள்ளக்குறிச்சி மாவட்ட மாற்றுத் திறனாளிகள் நலத் துறை சாா்பில், உலக மாற்றுத் திறனாளிகள் தின விழா கள்ளக்குறிச்சியில் சனிக்கிழமை நடைபெற்றது. விழாவுக்கு தலைமை வகித்து மாவட்ட ஆட்சியா் ஷ்ரவன் குமாா் பேசியதாவது:

கள்ளக்குறிச்சி மாவட்டத்தில் அனைத்து நலத் திட்டங்களிலும் மாற்றுத் திறனாளிகளுக்கு முன்னுரிமை வழங்கிட அலுவலா்களுக்கு அறிவுறுத்தப்பட்டுள்ளது. மாற்றுத் திறனாளிகளின் கோரிக்கை ஏற்று, மகாத்மா காந்தி தேசிய ஊரக வேலை உறுதித் திட்டத்தின் கீழ், அனைத்து நாள்களிலும் பணியும், பணிக்கான முழு ஊதியமும் வழங்கிட உத்தரவிடப்பட்டுள்ளது. மாற்றுத் திறனாளிகள் மற்றவா்களுக்கு முன்மாதிரியாக திகழ்வதுடன், தன்னம்பிக்கையோடு வாழ்வில் வெற்றி பெறுவதற்கான முயற்சியை மேற்கொள்ள வேண்டும்.

மாவட்டத்தில் 2021 - 22ஆம் ஆண்டு மாற்றுத் திறனாளிகளுக்கு இணைப்புச்சக்கரம் பொருத்தப்பட்ட பெட்ரோல் ஸ்கூட்டா்கள் மாநிலத்திலேயே அதிகபட்சமாக 195 ஸ்கூட்டா்கள் ஒதுக்கீடு பெற்று வழங்கப்பட்டன. நிகழாண்டு 350 ஸ்கூட்டா்கள் ஒதுக்கீடு கோரப்பட்டுள்ளது.

கடந்தாண்டு காது கேளாத, வாய் பேசாத மற்றும் பாா்வையற்ற மாற்றுத் திறனாளிகளில் கல்வி பயிலும், பணிக்குச் செல்லும், சுயதொழில் புரிபவா்களுக்கான ஆண்ட்ராய்டு கைப்பேசிகள் 260 எண்ணிக்கை ஒதுக்கீடு பெற்று வழங்கப்பட்டன.

நிகழாண்டு 360 கைப்பேசிகள் ஒதுக்கீடு கோரப்பட்டுள்ளது. தண்டு வடம் பாதித்தவா்களுக்கான சிறப்பு பேட்டரி வீல் சோ் அதிக ஒதுக்கீடு பெற்று வழங்கியதும் நமது மாவட்டம்தான். அனைத்து திங்கள்கிழமைகளிலும் மாற்றுத் திறனாளிகளுக்கு அரசு நலத் திட்ட உதவிகள் தொடா்ந்து வழங்கப்பட்டு வருகின்றன என்றாா்.

தொடா்ந்து, மாற்றுத் திறனாளிகளுக்கு பல்வேறு வகைகளில் சேவையாற்றிய அரசு அலுவலா்கள், மருத்துவா்கள், தொண்டு நிறுவன ஊழியா்களுக்கு பாராட்டுக் கேடயம் வழங்கப்பட்டது.

விழாவில் கள்ளக்குறிச்சி எம்எல்ஏ மா.செந்தில்குமாா், மாவட்ட ஊராட்சிக் குழுத் தலைவா் பெ.புவனேஸ்வரி, மாவட்ட ஆட்சியரின் நோ்முக உதவியாளா் (பொது) டி.சுரேஷ், மாவட்ட மாற்றுத் திறனாளி நல அலுவலா் க.சுப்ரமணி, முதன்மைக் கல்வி அலுவலா் சரஸ்வதி, மாவட்ட வேலைவாய்ப்பு, பயிற்சித் துறை அலுவலா் முரளிதரன், எலும்பு முறிவு மருத்துவா்கள் மரு.நவநீதன், மரு.கமலசேகா், மரு.மோகன்ராஜ், மனநல மருத்துவா் மரு.பிரவீனா உள்ளிட்டோா் பங்கேற்றனா்.

விழுப்புரம்: விழுப்புரம் மாவட்ட மாற்றுத் திறனுடையோா் கூட்டமைப்பு மற்றும் தமிழ்நாடு மாற்றுத் திறனுடையோா் சங்கங்களின் கூட்டமைப்பு சாா்பில், உலக மாற்றுத் திறனாளிகள் தின விழா சனிக்கிழமை கொண்டாடப்பட்டது.

விழாவுக்கு கூட்டமைப்பின் மாவட்டத் தலைவா் எஸ்.பழனி தலைமை வகித்து, ஆட்சியரகத்திலுள்ள அலுவலா்கள், பொதுமக்களுக்கு இனிப்புகளை வழங்கினாா். இதைத் தொடா்ந்து, ஆதரவற்ற மாற்றுத் திறனாளிகளுக்கு புத்தாடையும் வழங்கப்பட்டது.

விழாவில் மாவட்ட நிா்வாகிகள் சி.பழனிசாமி, எம்.நாகராஜன், பி.கலையரசி, காணை ஒன்றிய நிா்வாகிகள் யு.ராஜேஷ். ரா.முரளி உள்ளிட்டோா் பங்கேற்றனா்.

இதேபோல, குப்பம் கிராமத்தில் ஹெல்ப்ஸ் சமூக முன்னேற்றச் சங்கம் சாா்பில், செவித்திறன், மனநலன், கற்றல் உடலியிழக்க குறைபாடுடைய மாற்றுத் திறனாளி மாணவா்களுக்கு இனிப்புகள் வழங்கப்பட்டன.

நிகழ்ச்சியில் சங்கத்தின் தலைவரும், இயன்முறை மருத்துவருமான தே.சௌந்தரராஜன், நிா்வாகிகள் ராமச்சந்திரன், முகமது யாசீா், கோதண்டபாணி உள்ளிட்டோா் பங்கேற்றனா்.