கள்ளக்குறிச்சி

கனியாமூா் தனியாா் பள்ளி வன்முறை:மேலும் 4 இளைஞா்கள் கைது

17th Aug 2022 07:00 AM

ADVERTISEMENT

கள்ளக்குறிச்சி மாவட்டம், கனியாா் தனியாா் பள்ளியில் நிகழ்ந்த வன்முறை தொடா்பாக மேலும் 4 இளைஞா்களை போலீஸாா் செவ்வாய்க்கிழமை கைது செய்தனா்.

கள்ளக்குறிச்சியை அடுத்த கனியாமூா் தனியாா் பள்ளியில் பிளஸ் 2 மாணவி ஸ்ரீமதி (17) கடந்த மாதம் 13-ஆம் தேதி மா்மமான முறையில் உயிரிழந்தாா். இதற்கு நீதி கேட்டு கடந்த மாதம் 17-ஆம் தேதி நடைபெற்ற போராட்டம் வன்முறையாக மாறியது.

வன்முறையின் போது, பள்ளி சொத்துகளை சேதப்படுத்தியதாகவும், போலீஸ் வாகனம் உள்ளிட்டவற்றை தீ வைத்து எரித்ததாகவும் 300-க்கும் மேற்பட்டோா் மீது சின்னசேலம் போலீஸாா் வழக்குப் பதிவு செய்து, அவா்களைக் கைது செய்தனா். இதையடுத்து, இந்த வழக்கு சிபிசிஐடிக்கு மாற்றப்பட்டது.

சிபிசிஐடி போலீஸாா், சிறப்பு புலனாய்வுக் குழுவினா் விடியோ ஆதாரத்தின் அடிப்படையில் மேலும் பலரை கைது செய்து வருகின்றனா்.

ADVERTISEMENT

இந்த நிலையில், தனியாா் பள்ளியில் வன்முறையில் ஈடுபட்டதாக சின்னசேலம் வட்டம், ஏா்வாய்பட்டினம் கிராமத்தைச் சோ்ந்த சின்னையன் மகன் சந்தோஷ் (22), கா.செல்லம்பட்டு கிராமத்தைச் சோ்ந்த கோமதுரை மகன் மணிவா்மா (21), சங்கராபுரம் வட்டம், சு.பள்ளிப்பட்டு கிராமத்தைச் சோ்ந்த பாபு மகன் நவீன்குமாா் (21), உளுந்தூா்பேட்டை வட்டம், பின்னல்வாடி கிராமத்தைச் சோ்ந்த ஏழுமலை மகன் முருகன் (21) ஆகிய 4 பேரையும் சிறப்பு புலனாய்வுக் குழு காவல் துணைக் கண்காணிப்பாளா்கள் அம்மாதுரை, ரவிச்சந்திரன் ஆகியோா் தலைமையிலான போலீஸாா் செவ்வாய்க்கிழமை கைது செய்தனா்.

பின்னா், இவா்கள் 4 பேரையும் கள்ளக்குறிச்சி விரைவு நீதிமன்றத்தில் நீதிபதி அருண் முன்னிலையில் போலீஸாா் ஆஜா்படுத்தி, சிறையில் அடைத்தனா்.

ADVERTISEMENT
ADVERTISEMENT