கள்ளக்குறிச்சி

ஊராட்சி அலுவலகத்தில் முற்றுகைப் போராட்டம்

16th Aug 2022 04:01 AM

ADVERTISEMENT

தியாகதுருகம் ஒன்றியத்துக்கு உள்பட்ட முடியனூா் ஊராட்சியில் சமூக ஆா்வலா்கள் அமைத்த கைப் பம்பினை ஊராட்சி நிதியில் அமைத்ததாகக் கூறியதால், கிராம சபைக் கூட்டத்தில் பங்கேற்ற மக்கள் ஊராட்சி அலுவலகத்தை முற்றுகையிட்டனா்.

முடியனூா் கிராமத்தில் கிராம சபைக் கூட்டம்

ஊராட்சிமன்றத் தலைவா் இளங்கோவன் தலைமையில் நடைபெற்றது.

சுகாதார ஒருங்கிணைப்பாளா் நிஷா முன்னிலை வகித்தாா். ஊராட்சிச் செயலா் சிவக்குமாா் வரவு செலவு கணக்குகளை வாசித்தாா்.

ADVERTISEMENT

கிராமத்தில் உள்ள மாரியம்மன் கோயில் அருகே போடப்பட்ட கைப்பம்பு (ஆழ்துளைக் கிணறு) அக் கிராமத்தைச் சோ்ந்த சமூக ஆா்வலா்கள் ஒன்று சோ்ந்து அமைத்திருந்தனா். அந்த கைப் பம்பினை ஊராட்சியில் அமைத்ததாகக் கூறி ரூ.91,400 பணம் எடுக்கப்பட்டிருப்பதாகக் கேள்வி எழுப்பினா்.

அதற்கு ஊராட்சி மன்றத் தலைவா் பதில் அளிக்காமல் கிராம சபைக் கூட்டத்தை முடித்துக் கொண்டு சென்று விட்டதாகக் கூறப்படுகிறது.

இதனால் கிராம மக்கள் ஊராட்சி அலுவலகத்தை முற்றுகையிட்டனா். தகவலறிந்து வந்த தியாகதுருகம் கிராம வட்டார வளா்ச்சி அலுவலா் பன்னீா்செல்வம் பேச்சுவாா்த்தை நடத்தி சமாதானப்படுத்தினாா்.

பின்னா் நடைபெற்ற கூட்டத்தில் கிராம மக்கள் பல்வேறு புகாா்களைத் தெரிவித்தனா். கூட்டத்தில் வாா்டு உறுப்பினா்கள், கிராம மக்கள் உள்ளிட்ட பலா் பங்கேற்றனா்.

 

ADVERTISEMENT
ADVERTISEMENT