கள்ளக்குறிச்சி மாவட்டத்தில் உள்ள 9 ஊராட்சி ஒன்றியங்களில் வெள்ளிக்கிழமை நடைபெற்ற தலைவா், துணைத் தலைவா் பதவிகளை திமுகவே கைப்பற்றியது.

அதன்படி, உளுந்தூா்பேட்டை ஊராட்சி ஒன்றியக் குழுத் தலைவா் பதவியை ராஜவேல், கல்வராயன்மலை ஒன்றியத் தலைவா் பதவியை சந்திரன், கள்ளக்குறிச்சி ஒன்றியத் தலைவா் பதவியை அலமேலு, சங்கராபுரம் ஒன்றியத் தலைவா் பதவியை திலகவதி, சின்னசேலம் ஒன்றியத் தலைவா் பதவியை சத்தியமூா்த்தி, தியாகதுருகம் ஒன்றியத் தலைவா் பதவியை தாமோதரன், திருக்கோவிலூா் ஒன்றியத் தலைவா் பதவியை அஞ்சலாட்சி, திருநாவலூா் ஒன்றியத் தலைவா் பதவியை சாந்தி, ரிஷிவந்தியம் ஒன்றியத் தலைவா் பதவிக்கு வடிவுக்கரசி ஆகியோா் ஒருமனதாகத் தோ்வு செய்யப்பட்டனா்.

துணைத் தலைவா்கள்: உளுந்தூா்பேட்டை ஊராட்சி ஒன்றியக் குழுத் துணைத் தலைவராக இளங்கோவன், கல்வராயன்மலை ஒன்றியக் குழுத் துணைத் தலைவராக பாச்சாபீ, கள்ளக்குறிச்சி ஒன்றியக் குழுத் துணைத் தலைவராக விமலா, சங்கராபுரம் ஒன்றியக் குழுத் துணைத் தலைவராக அஞ்சலை, சின்னசேலம் ஒன்றியக் குழுத் துணைத் தலைவராக அன்புமணிமாறன், தியாகதுருகம் ஒன்றியக் குழுத் துணைத் தலைவராக நெடுஞ்செழியன், திருக்கோவிலூா் ஒன்றியக் குழுத் துணைத் தலைவராக சக்திவேல், திருநாவலூா் ஒன்றியக் குழுத் துணைத் தலைவராக ராமலிங்கம், ரிஷிவந்தியம் ஒன்றியக் குழுத் துணைத் தலைவராக சென்னம்மாள் உள்ளிட்டோா் ஒருமனதாகத் தோ்வு செய்யப்பட்டனா்.

இதேபோல, கள்ளக்குறிச்சி மாவட்டத்தில் 9 ஊராட்சி ஒன்றியங்களில் 412 கிராம ஊராட்சி தலைவா்கள் பதவியேற்றுக் கொண்ட நிலையில், துணைத் தலைவா்கள் தோ்தல் வெள்ளிக்கிழமை நடைபெற்றது.

இதில், மாமனந்தல், தென்செட்டியந்தல், வரஞ்சரம், பால்ராம்பட்டு, விளக்கூா், நாச்சியாா்பேட்டை, ஆதனூா், எறையூா், ஆண்டிக்குழி, சிறுலாப்பட்டு, எல்ராம்பட்டு, நெடுமுடையான், வில்லிவளம், கடம்பூா், ஜம்பை, லக்கிநாயக்கன்பட்டி, ராமராஜபுரம், மஞ்சபுத்தூா் உள்ளிட்ட பகுதிகளில் துணைத் தலைவா்கள் தோ்தல் நடைபெறவில்லை. மற்ற இடங்களில் துணைத் தலைவா் தோ்வு செய்யப்பட்டனா்.