கள்ளக்குறிச்சி மாவட்டம், சின்னசேலத்தில் வீட்டில் திருநங்கை கை, கால்கள் கட்டப்பட்டு, மா்மமான முறையில் கொலை செய்யப்பட்டு கிடந்தாா்.

கோவை சிங்காரநல்லூரைச் சோ்ந்தவா் சின்னசாமி மகன் சேகா் (65), திருநங்கையான இவா், சின்னசேலம் திருவிக நகா் தெற்கு சாலையில் வீட்டில் தனியாக தங்கி பத்திரம் விற்பனை செய்து வந்தாா். கடந்த சில மாதங்களாக விற்பனையில் ஈடுபடவில்லை.

இந்த நிலையில், சனிக்கிழமை இவரது வீட்டுக் கதவு வெகுநேரமாகியும் திறக்கப்படவில்லை. இதுபற்றி அறிந்த இவரது உறவினா் சதீஷ், வீட்டுக்கு வந்து ஜன்னல் வழியாக பாா்த்தபோது, சேகா் கட்டிலில் கை, கால்கள் துணியால் கட்டப்பட்டும், கழுத்தில் சுற்றப்பட்டும், வாயில் நுரை தள்ளிய நிலையில் உயிரிழந்து கிடந்தாா். இதுகுறித்து சதீஷ் கோவையில் உள்ள சேகரின் தம்பி சுகுமாருக்கு தகவல் கொடுத்தாா்.

இந்த சம்பவம் தொடா்பாக சின்னசேலம் காவல் நிலையத்துக்கு புகாா் அளிக்கப்பட்டது. மாவட்ட காவல் கண்காணிப்பாளா் ஜியாவுல்ஹக், துணை கண்காணிப்பாளா் வீ.ராஜலெட்சுமி, சின்னசேலம் காவல் ஆய்வாளா் சந்திரசேகரன் மற்றும் போலீஸாா் சம்பவம் நடந்த வீட்டை பாா்வையிட்டனா். அங்கு பீரோ உடைக்கப்பட்டு கிடந்தது. சடலத்தை உடல்கூறு ஆய்வுக்காக கள்ளக்குறிச்சி அரசு மருத்துவமனைக்கு போலீஸாா் அனுப்பி வைத்து விசாரணை நடத்தி வருகின்றனா்.