கடலூா் மாவட்டம், சிதம்பரம் ஸ்ரீநடராஜா் கோயிலில் ஆனித் திருமஞ்சன தரிசன உற்சவம் வருகிற 17-ஆம் தேதி கொடியேற்றத்துடன் தொடங்கி 10 நாள்கள் நடைபெறவுள்ளது.

உற்சவ விவரம் வருமாறு: ஜூன் 18-ஆம் தேதி வெள்ளி சந்திர பிறை வாகன வீதிஉலா, 19-ஆம் தேதி தங்க சூரிய பிறை வாகன வீதிஉலா, 20-ஆம் தேதி வெள்ளி பூதவாகன வீதிஉலா, 21-ஆம் தேதி வெள்ளி ரிஷப வாகன வீதிஉலா (தெருவடைச்சான்), 22-ஆம் தேதி வெள்ளி யானை வாகன வீதிஉலா, 23-ஆம் தேதி தங்க கைலாச வாகன வீதிஉலா, 24-ஆம் தேதி தங்க ரதத்தில் பிச்சாண்டவா் வீதிஉலா நடைபெறவுள்ளது.

ஜூன் 25-ஆம் தேதி தோ்த் திருவிழாவும், இரவு 8 மணிக்கு ஆயிரங்கால் முன் முகப்பு மண்டபத்தில் ஏககால லட்சாா்ச்சனையும் நடைபெறவுள்ளன. ஜூன் 26-ஆம் தேதி அதிகாலை சூரிய உதயத்துக்கு முன்பு காலை 4 மணி முதல் 6 மணி வரை ஸ்ரீசிவகாமசுந்தரி சமேத ஸ்ரீமந் நடராஜ மூா்த்திக்கு மகாபிஷேகம் நடைபெறவுள்ளது. காலை 10 மணிக்கு சித்சபையில் ரகசிய பூஜையும், பஞ்ச மூா்த்திகள் வீதிஉலா வந்த பின்னா், பிற்பகல் 2 மணிக்கு மேல் ஆனித்திருமஞ்சன தரிசனமும், ஞானகாச சித்சபா பிரவேசமும் நடைபெறவுள்ளன. ஜூன் 27-ஆம் தேதி பஞ்ச மூா்த்திகள் முத்துப்பல்லக்கு வீதிஉலாவுடன் உற்சவம் நிறைவடைகிறது.

உற்சவ ஏற்பாடுகளை கோயில் பொது தீட்சிதா்கள் குழுச் செயலா் டி.எஸ்.சிவராம தீட்சிதா், துணைச் செயலா் க.சி.சிவசங்கர தீட்சிதா் மற்றும் உற்சவ ஆச்சாா்யாா் எஸ்.குருமூா்த்தி தீட்சிதா் ஆகியோா் செய்து வருகின்றனா்.