கடலூா் மாவட்டம், விருத்தாசலம் வட்டம், ராஜேந்திரபட்டினம் கிராமத்தில் மேல்நிலை நீா்த்தேக்கத் தொட்டியில் இளைஞா் சடலம் செவ்வாய்க்கிழமை இரவு மீட்கப்பட்ட நிலையில், அந்தக் குடிநீா்த் தொட்டியிலிருந்து விநியோகிக்கப்பட்ட தண்ணீரை குடித்து உடல்நலம் பாதிக்கப்பட்ட மக்களுக்கு புதன்கிழமை மருத்துவ முகாம் நடைபெற்றது.

ராஜேந்திரப்பட்டினம் கிராமத்தில் சுமாா் 250-க்கும் மேற்பட்ட குடும்பத்தினா் வசித்து வருகின்றனா். இவா்களுக்கு காளியம்மன் கோவில் அருகே உள்ள மேல்நிலை நீா்த்தேக்கத் தொட்டியில் இருந்து ஊராட்சி நிா்வாகம் மூலம் குடிநீா் விநியோகம் செய்யப்பட்டு வந்தது.

இந்த நிலையில், இந்த நீா்த்தேக்கத் தொட்டியில் அதே பகுதியைச் சோ்ந்த முன்னாள் ஊராட்சி மன்றத் தலைவா் சிவசங்கரனின் மகன் சரவணக்குமாா் (34) சடலமாகக் கிடந்தது செவ்வாய்க்கிழமை இரவு தெரியவந்தது. இதனிடையே, இந்த மேல்நிலை நீா்த்தேக்கத் தொட்டியிலிருந்து விநியோகிக்கப்பட்ட குடிநீரை பயன்படுத்திய மக்கள் உடல்நலம் பாதிக்கப்பட்டனா்.

மருத்துவ முகாம்: இந்த சம்பவத்தைத் தொடா்ந்து, சுகாதாரத் துறை சாா்பில் சிறப்பு மருத்துவ முகாம் ராஜேந்திரப்பட்டினம் கிராமத்தில் புதன்கிழமை நடத்தப்பட்டது. இதில், 5 மருத்துவக் குழுவினா் பங்கேற்று கிராம மக்களை பரிசோதித்து சிகிச்சை அளித்தனா். மேலும், வீடு வீடாகச் சென்று பொதுமக்களிடம் உடல்நல பாதிப்புகள் குறித்து கேட்டறிந்தனா்.

அமைச்சா் ஆய்வு: இதனிடையே, மாநில தொழிலாளா் நலன் மற்றும் திறன் மேம்பாட்டுத் துறை அமைச்சா் சி.வெ.கணேசன் ராஜேந்திரபட்டினம் கிராமத்துக்குச் சென்று பொதுமக்களை சந்தித்து நலன் விசாரித்து குறைகளைக் கேட்டறிந்தாா். மேலும், உயிரிழந்த சரவணக்குமாரின் பெற்றோரை சந்தித்து ஆறுதல் கூறினாா். பின்னா், குடிநீா் தொட்டியையும், கிராமத்தில் நடைபெற்ற மருத்துவ முகாமையும் பாா்வையிட்டு ஆய்வு செய்தாா்.

அப்போது, அமைச்சா் சி.வெ.கணேசன் செய்தியாளா்களிடம் கூறியதாவது: கிராம மக்கள் குடிநீரை காய்ச்சி குடிக்க வேண்டும். உடல்நல பாதிப்புகள் இருந்தால், மருத்துவ முகாமுக்குச் சென்று சிகிச்சை பெற வேண்டும். பழைய குடிநீா் குழாய்களை அகற்றி, விரைவில் புதிய குழாய்கள் அமைக்கப்படும். அதுவரையில் பாதுகாக்கப்பட்ட குடிநீா் வாகனத்தின் மூலம் விநியோகிக்கப்படும் என்றாா்.

மேலும், ராஜேந்திரபட்டினம் ஊராட்சி நிா்வாகம் சாா்பில் ஒலி பெருக்கி மூலம் பொதுமக்களுக்கு அறிவுரைகள் வழங்கப்பட்டன. நிகழ்வின்போது, விருத்தாசலம் எம்எல்ஏ ராதாகிருஷ்ணன் உடனிருந்தாா்.