தமிழ்நாடு அரசுப் பணியாளா்கள் சங்கங்களின் போராட்டக் குழுவினா் கடலூரில் வெள்ளிக்கிழமை ஆா்ப்பாட்டத்தில் ஈடுபட்டனா்.
டாஸ்மாக் நிா்வாகம் தொடா்பாக வெள்ளை அறிக்கை கோரிய சங்கத் தலைவா் கு.சரவணன் மீதான தற்காலிக பணி நீக்க நடவடிக்கையை ரத்து செய்ய வேண்டும், ஆய்வு என்ற பெயரில் நியாய விலைக் கடை பணியாளா்களை அவதூறாகப் பேசும் அதிகாரி மீது ஒழுங்கு நடவடிக்கை எடுக்க வேண்டும், ஊராட்சி தூய்மைப் பணியாளா்கள், மேல்நிலை நீா்த்தேக்கத் தொட்டி இயக்குவோா், தூய்மை காவலா்களுக்கு அரசின் நிதிப் பயன்களை முழுமையாக வழங்க வேண்டும், ஆய்வுக் கூட்டம் என்ற பெயரில் சத்துணவுப் பணியாளா்களை அதிக நேரம் காத்திருக்க வைப்பதை கைவிட வேண்டும் ஆகிய கோரிக்கைகளை வலியுறுத்தி நடைபெற்ற ஆா்ப்பாட்டத்துக்கு, சங்கத்தின் மாநில தலைமை ஒருங்கிணைப்பாளா் கு.பாலசுப்ரமணியன் தலைமை வகித்தாா். மாநிலத் தலைவா் பி.கே.சிவக்குமாா் முன்னிலை வகித்தாா்.
ஆா்ப்பாட்டத்தில் தமிழ்நாடு அரசுப் பணியாளா்கள் சங்க பொருளாளா் கு.சரவணன், பிரசார செயலா் எஸ்.சுகமதி, மாநில அமைப்புச் செயலா் வி.சிவக்குமாா், நியாய விலைக் கடை பணியாளா்கள் சங்க மாநிலத் தலைவா் கோ.ஜெயச்சந்திரராஜா, சத்துணவுப் பணியாளா்கள் சங்க மாநிலச் செயலா் தெய்வநாயகம், சிறப்புத் தலைவா் கோ.சீனிவாசன், நிா்வாகிகள் கே.ஆா்.தங்கராசு, வி.சி.செல்வராசு மற்றும் கடலூா், விழுப்புரம், கள்ளக்குறிச்சி, அரியலூா் மாவட்ட நிா்வாகிகள் பங்கேற்றனா்.