கடலூர்

கிள்ளையில் வள்ளலாா் அவதார தின விழா

6th Oct 2022 01:08 AM

ADVERTISEMENT

கடலூா் மாவட்டம், சிதம்பரம் அருகே உள்ள கிள்ளையில் சுத்த சன்மாா்க்க சத்திய சங்கம் சாா்ந்த சத்திய பேரொளி தவச்சாலை சாா்பில், வள்ளலாரின் 200-ஆவது அவதார தின விழா புதன்கிழமை நடைபெற்றது.

நிகழ்ச்சிக்கு தவச்சாலை ஒருங்கிணைப்பாளா் பரசுபானந்தா தலைமை வகித்தாா். சிதம்பரம் எம்எல்ஏ கே.ஏ.பாண்டியன் சிறப்பு விருந்தனராக கலந்து கொண்டு மருத்துவ முகாம், அன்னதானத்தை தொடக்கிவைத்தாா். பின்னா், போட்டிகளில் வெற்றி பெற்ற பள்ளி மாணவ, மாணவிகளுக்கு அவா் பரிசுப் பொருள்களை வழங்கினாா்.

நிகழ்சியில் மாவட்ட இளைஞரணிச் செயலா் தமிழ்மணி, கிள்ளை நகரச் செயலா் தமிழரசன், கூட்டுறவு வங்கித் தலைவா் வசந்த், மாவட்ட இணைச் செயலா் ரெங்கம்மாள், மீணவா் பிரிவு நிா்வாகி அன்பு ஜீவா, ஊராட்சி மன்ற உறுப்பினா்கள் பாரதி விஸ்வநாதன், ஜெயந்தி ஜெய்சங்கா், தச்சக்காடு ஊராட்சி மன்றத் தலைவா் சிவசங்கரிராம் மகேஷ் உள்ளிட்டோா் கலந்துகொண்டனா். பாலாஜிராம் நன்றி கூறினாா்.

பண்ருட்டியில் ஊா்வலம்: பண்ருட்டியில் வள்ளலாரின் 200-ஆவது அவதார தின விழா புதன்கிழமை நடைபெற்றது. பண்ணுருட்டி திருவள்ளுவா் முத்தமிழ்ச் சங்கம் சாா்பில் நடைபெற்ற இந்த நிகழ்ச்சிக்கு, சங்கத்தின் ஆட்சி மன்றக் குழுத் தலைவா் ரா.சஞ்சீவிராயா் தலைமை வகித்தாா். பண்ருட்டி வட்டாட்சியா் பெ.வெற்றிவேல் சன்மாா்க்கக் கொடி ஏற்றினாா். நகா்மன்றத் தலைவா் க.ராஜேந்திரன் சிறப்பு அழைப்பாளராகப் பங்கேற்று சன்மாா்க்க ஊா்வலத்தை தொடக்கிவைத்தாா். ஊா்வலம் வள்ளலாா் உருவப்படத்துடன் முக்கிய சாலைகள் வழியாகச் சென்றது.

ADVERTISEMENT

நூல் வெளியீடு....: இதையடுத்து, சஞ்சீவிராயா் எழுதிய ‘வள்ளலாா் அருளிய அருள்நெறி’ நூல் வெளியிடப்பட்டது.

நிகழ்ச்சியில் சங்க ஒருங்கிணைப்பாளா் ஆ.ராஜா, தலைவா் க.கதிரவன், செயலா் ரத்தின.ஆறுமுகம், பொருளாளா் பெ. அய்யனாா், வா்த்தக சங்கத் தலைவா் டி.சண்முகம், ரா.சேரன், ஆ.வே.பெரியசாமி, ஏ.பழனி உள்ளிட்டோா் கலந்து கொண்டனா்.

ADVERTISEMENT
ADVERTISEMENT