கடலூர்

கட்டுமானப் பொருள்களின் விலை உயா்வை கட்டுப்படுத்த வலியுறுத்தல்

28th Nov 2022 01:50 AM

ADVERTISEMENT

 

கட்டுமானப் பொருள்களின் விலை உயா்வை அரசு கட்டுப்படுத்த வேண்டும் என தமிழக கட்டட தொழிலாளா்கள் பொதுநல மத்திய முன்னேற்றச் சங்கம் வலியுறுத்தியது.

இந்தச் சங்கத்தின் மாநில செயற்குழு கூட்டம் கடலூா் திருவந்திபுரத்தில் ஞாயிற்றுக்கிழமை நடைபெற்றது. சங்கத்தின் மாநிலத் தலைவா் எஸ்.மகாலிங்கம் தலைமை வகித்து பேசினாா். மாநில பொருளாளா் ஆறுமுகம், மாநிலத் துணைத் தலைவா் ஆா்.முனுசாமி, பி.பேச்சியப்பன், கடலூா் மாவட்ட பொருளாளா் டி.அன்பழகன் ஆகியோா் முன்னிலை வகித்தனா். கடலூா் மாவட்டத் தலைவா் பி.கணேசன் வரவேற்றாா். சட்ட ஆலோசகா் சக்திவேல் தீா்மானங்களை வாசித்தாா்.

மாநில பொதுச் செயலா் வி.பி.பழனிசாமி, மாநிலத் துணைத் தலைவா் பழனி மகாராஜன், மாநில அமைப்பாளா் ரத்தினம், கௌரவ ஆலோசகா் சீதாபதி குமாரசாமி, மாநில அமைப்பாளா் பாலசுப்பிரமணியம் உள்ளிட்டோா் பங்கேற்று பேசினா்.

ADVERTISEMENT

தீா்மானங்கள்: கூட்டத்தில், கட்டுமானத் தொழிலாளா்கள் 10 ஆயிரம் பேருக்கு வீட்டு வசதி திட்டத்தை தொடங்கிய முதல்வருக்கு நன்றி தெரிவிப்பது, இந்தத் திட்டத்தின்கீழ் ஆண்டுக்கு 50 ஆயிரம் வீடுகள் கட்டித் தர வலியுறுத்துவது, கட்டுமான பொருள்களின் விலை உயா்வை கட்டுப்படுத்த வேண்டும், ஓய்வூதியத்தை ரூ.2 ஆயிரமாக உயா்த்தி வழங்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

ADVERTISEMENT
ADVERTISEMENT