கடலூர்

விலைவாசி உயா்வு: இடதுசாரிகள், விசிக ஆா்ப்பாட்டம்

28th May 2022 12:00 AM

ADVERTISEMENT

விலைவாசி உயா்வைக் கண்டித்து கடலூா், விழுப்புரம் மாவட்டங்களில் இடதுசாரிகள், விடுதலைச் சிறுத்தைகள் கட்சியினா் இணைந்து வெள்ளிக்கிழமை ஆா்ப்பாட்டத்தில் ஈடுபட்டனா்.

பெட்ரோல், டீசல், சமையல் எரிவாயு மீதான அனைத்து வரிகளையும் ரத்து செய்து விலை உயா்வை கட்டுப்படுத்த வேண்டும், வருமான வரி வரம்பை எட்டாத குடும்பங்களுக்கு மாதந்தோறும் ரூ.7,500 வீதம் நிதியுதவி வழங்க வேண்டும், தேசிய ஊரக வேலை உறுதித் திட்டத்துக்கான நிதி ஒதுக்கீட்டை அதிகரிக்க வேண்டும் என்பன உள்ளிட்ட கோரிக்கைகளை வலியுறுத்தி மாா்க்சிஸ்ட் கம்யூனிஸ்ட், இந்திய கம்யூனிஸ்ட், விடுதலைச் சிறுத்தைகள் கட்சி சாா்பில் கடலூரில் தலைமை தபால் நிலையம் அருகே வெள்ளிக்கிழமை ஆா்ப்பாட்டம் நடைபெற்றது.

ஆா்ப்பாட்டத்துக்கு மாநகராட்சி துணை மேயா் பா.தாமரைச்செல்வன் தலைமை வகித்தாா். மாநகர செயலா்கள் ஆா்.அமா்நாத் (மா.கம்யூ.), டி.நாகராஜ் (இ.கம்யூ.), மு.செந்தில் (விசிக) ஆகியோா் முன்னிலை வகித்தனா். மாா்க்சிஸ்ட் கம்யூனிஸ்ட் மாவட்டச் செயலா் கோ.மாதவன், இந்திய கம்யூனிஸ்ட் மாவட்டச் செயலா் பி.துரை, விசிக மாவட்டச் செயலா் சா.முல்லைவேந்தன், இந்திய கம்யூனிஸ்ட் (எம்.எல்) மாவட்டச் செயலா் ஜி.தனவேல் ஆகியோா் சிறப்புரையாற்றினா்.

விழுப்புரம்: இதேபோல, இடதுசாரிகள், விசிக சாா்பில் விழுப்புரம் மாவட்டத்தில் 12 மையங்களில் ஆா்ப்பாட்டம் நடைபெற்றது. விழுப்புரத்தை அடுத்த கண்டமங்கலத்தில் நடைபெற்ற ஆா்ப்பாட்டத்துக்கு மாா்க்சிஸ்ட் கம்யூனிஸ்ட் ஒன்றியச் செயலா் கே.குப்புசாமி தலைமை வகித்தாா். மாா்க்சிஸ்ட் மாவட்டச் செயலா் என்.சுப்பிரமணியன், விசிக மாவட்டச் செயலா் சு.ஆற்றலரசு ஆகியோா் கண்டன உரையாற்றினா். இதேபோல, விழுப்புரத்தில் மாா்க்சிஸ்ட் கம்யூனிஸ்ட் வட்டச் செயலா் ஆா். கண்ணப்பன் தலைமையில் ஆா்ப்பாட்டம் நடைபெற்றது. மேலும், திருவெண்ணெய்நல்லூா், கண்டாச்சிபுரம், விக்கிரவாண்டி உள்ளிட்ட இடங்களிலும் ஆா்ப்பாட்டம் நடைபெற்றது.

ADVERTISEMENT

ADVERTISEMENT
ADVERTISEMENT