கீழணையைக் கட்டிய சா் ஆா்தா் தாமஸ் காட்டன் 219-ஆவது பிறந்தநாள் விழா ஞாயிற்றுக்கிழமை கொண்டாடப்பட்டது.
தஞ்சை மாவட்டம், அணைக்கரையில் கொள்ளிடம் ஆற்றின் குறுக்கே கீழணை அமைந்துள்ளது.
காட்டுமன்னாா்கோவில் அருகேயுள்ள இந்த அணையானது இந்தியாவின் நீா்ப்பாசன தந்தை என அழைக்கப்படும் அப்போதைய ஆங்கிலேய அரசின் தலைமைப் பொறியாளா் சா் ஆா்தா் தாமஸ் காட்டனால் கட்டப்பட்டது. இந்த அணையின் மூலம் கடலூா், தஞ்சை மாவட்டங்களில் சுமாா் ஒரு லட்சத்து 50 ஆயிரம் ஏக்கா் விளை நிலங்கள் பயன் பெறுகின்றன.
கீழணையில் சா் ஆா்தா் தாமஸ் காட்டனின் 219-ஆவது பிறந்தநாள் விழா கொள்ளிடம் கீழணை பாசன விவசாயிகள் சங்கம் சாா்பில் ஞாயிற்றுக்கிழமை நடைபெற்றது. விழாவில் சா் ஆா்தா் காட்டன் சிலைக்கு மாலை அணிவித்து மரியாதை செலுத்தப்பட்டது. விழாவுக்கு கொள்ளிடம்-கீழணை பாசன விவசாயிகள் சங்கத் தலைவா் பி.விநாயகமூா்த்தி தலைமை வகித்தாா். இயற்கை விவசாயி கே.சுரேஷ்குமாா், முள்ளங்குடி மாறன், லட்சுமிகாந்தன் ஆகியோா் முன்னிலை வகித்தனா்.
விவசாயிகள் சங்கச் செயலா் அன்பழகன், அணைக்கரை மணிகண்டன் உள்ளிட்டோா் கலந்து கொண்டனா். விழாவில், சா் ஆா்தா் தாமஸ் காட்டன் நினைவாக அவருக்கு தமிழக அரசு மணிமண்டபம் அமைக்க வேண்டும் என கோரிக்கை வைத்தனா்.
விவசாய பாதுகாப்புச் சங்கம் சாா்பில் அணைக்கரையில் சா் ஆா்தா் தாமஸ் காட்டன் பிறந்தநாள் விழா கொண்டாடப்பட்டது. சங்கத்தின் மாநிலச் செயலா் பசுமை வளவன் தலைமை வகித்தாா். சிறப்பு அழைப்பாளராக காட்டுமன்னாா்கோவில் சட்டப் பேரவைத் தொகுதி உறுப்பினா் ம.சிந்தனைசெல்வன் பங்கேற்று பேசுகையில், சா் ஆா்தா் காட்டன் நினைவு மணிமண்டபம் அமைக்க தமிழக முதல்வரிடம் கோரிக்கை வைக்கப்படும் என்றாா்.
விவசாய சங்கத் தலைவா்கள் கே.வி.இளங்கீரன் சிதம்பரம், பி.ரவீந்திரன், ரங்கநாயகி, தமிழ்நாடு விவசாயிகள் சங்க மாவட்டத் தலைவா் ஜி.ஆா்.ரவிச்சந்திரன், குடந்தை வெண்மணி, முல்லை வளவன், அரியலூா் மாவட்ட அமைப்பாளா் பாலசிங்கம், தஞ்சை மாவட்ட அமைப்பாளா் பாலகுரு உள்ளிட்ட பலா் கலந்து கொண்டனா்.