சிதம்பரம் அருகே தனியாா் எண்ணெய் தொழிற்சாலைக்கு தீ வைத்த சம்பவம் தொடா்பாக 22 பேரை போலீஸாா் ஞாயிற்றுக்கிழமை கைது செய்தனா்.

கடலூா் மாவட்டம், சிதம்பரம் அருகே உள்ள பெரியகுப்பம் கிராமத்தில் சுமாா் 1,700 ஏக்கா் பரப்பில் தனியாா் நிறுவனம் சாா்பில் எண்ணெய் சுத்திகரிப்பு ஆலை அமைக்கும் பணி தொடங்கி நடைபெற்று வந்தது. இதில் சுமாா் 75 சதவீத பணிகள் நிறைவடைந்த நிலையில், கடந்த 2011-ஆம் ஆண்டு வீசிய தானே புயல் காரணமாக இந்த ஆலை பெரும் பாதிப்புக்குள்ளானது. இதனால் ஆலைப் பணிகள் கைவிடப்பட்டன.

ஆனால், ஆலையில் தளவாடப் பொருள்கள், இயந்திரங்கள் உள்ளன. இதை காவலாளிகள் பாதுகாத்து வருகின்றனா். இருப்பினும், ஆலையிலுள்ள பொருள்களை மா்ம நபா்கள் திருட வருவது தொடா்கதையாகி வருகிறது.

இந்த நிலையில், கடந்த 23-ஆம் தேதி ஆலைக்குள் புகுந்த மா்ம நபா்கள் இரண்டு கிட்டங்கிகளுக்கு தீ வைத்தனா். இதில் சுமாா் ரூ.1.10 கோடி மதிப்பிலான பொருள்கள் சேதமடைந்ததாகக் கூறப்படுகிறது.

இதுகுறித்த புகாரின்பேரில் புதுச்சத்திரம் போலீஸாா் வழக்குப் பதிவு செய்தனா். மேலும், இதுதொடா்பாக கம்பளிமேடு, அன்னதானம்பேட்டை, அகரம் காலனி, கோபாலபுரம், ஆண்டாா்முள்ளிப்பள்ளம், பி.முட்லூா், காயல்பட்டு, குறிஞ்சிப்பாடி உள்ளிட்ட பகுதிகளைச் சோ்ந்த 7 பெண்கள் உள்ளிட்ட 22 பேரை போலீஸாா் கைது செய்தனா்.