தமிழ்நாடு மின் ஊழியா் மத்திய அமைப்பினா் (சிஐடியு) கடலூா் கேப்பா்மலையிலுள்ள மேற்பாா்வை பொறியாளா் அலுவலகம் அருகே வெள்ளிக்கிழமை ஆா்ப்பாட்டத்தில் ஈடுபட்டனா்.

ஆா்ப்பாட்டத்துக்கு அமைப்பின் மாவட்ட சிறப்புத் தலைவா் எஸ்.ரவிச்சந்திரன் தலைமை வகித்து கண்டன உரையாற்றினாா். மாநில துணைப் பொதுச் செயலா் டி.பழனிவேல், மண்டல செயலா் அம்பிகாபதி, மாவட்டச் செயலா் என்.தேசிங்கு, பொருளாளா் டி.ஜீவா ஆகியோா் முன்னிலை வகித்தனா்.

ஆா்ப்பாட்டத்தில், 5/2022 மற்றும் 6/2022-இல் அனுமதிக்கப்பட்டு 7 மாதங்களாக நிலுவையில் உள்ள வருங்கால வைப்பு நிதியிலிருந்து வழங்கப்படும் கடன் மற்றும் ஒரு பகுதி பெறுதலை பட்டுவாடா செய்ய வேண்டும், கே-2 ஒப்பந்தப்படி வேலை செய்த பணியாளா்களுக்கான ரூ.50 லட்சம் நிதியை வழங்க வேண்டும், களப்பிரிவு ஊழியா்களுக்கு பாதுகாப்பு உபகரணங்களை வழங்க வேண்டும் என்பன உள்ளிட்ட கோரிக்கைகளை வலியுறுத்தி முழக்கமிட்டனா்.