சிதம்பரம், காட்டுமன்னாா்கோவில் பகுதிகளில் நடைபெற்ற வெவ்வேறு விபத்துகளில் இளைஞா்கள் இருவா் செவ்வாய்க்கிழமை உயிரிழந்தனா்.

கடலூா் மாவட்டம், காட்டுமன்னாா்கோவில் அருகே உள்ள குருங்குடியில் திருச்சி - சிதம்பரம் தேசிய நெடுஞ்சாலைப் பணிக்காக ஜல்லி , மணல், சிமென்ட் உள்ளிட்ட பொருள்களை வைப்பதற்கான தனியாா் சேமிப்புக் கிடங்கு உள்ளது. இங்கிருந்து தினமும் டாரஸ் லாரிகளில் ஜல்லி, மணல் உள்ளிட்ட பொருள்கள் கொண்டு செல்லப்படுகின்றன. டாரஸ் லாரிகள் அதிவேகமாகச் செல்வதாக தொடா்ந்து புகாா் கூறப்பட்டு வந்தது.

இந்த நிலையில், செவ்வாய்க்கிழமை குருங்குடியைச் சோ்ந்த அசோக சக்கரவா்த்தி மகன் ஆனந்தராஜ் (32), தனது தாய் விஜயலட்சுமியுடன் பைக்கில் காட்டுமன்னாா்கோவில் நோக்கி வந்துகொண்டிருந்தாா். செல்லும் வழியில் கடைக்கு தனது தாயை அனுப்பிவிட்டு பைக்கில் ஆனந்தராஜ் சாலை ஓரத்தில் காத்திருந்தாா். அப்போது அந்த வழியாக காட்டுமன்னாா்கோவிலில் இருந்து மீன்சுருட்டி நோக்கி அதிவேகமாக சென்றுகொண்டிருந்த டாரஸ் லாரி ஆனந்தராஜ் மீது மோதியதில் அவா் நிகழ்விடத்திலேயே உயிரிழந்தாா். இதனால் ஆத்திரமடைந்த கிராம மக்கள் 3-க்கும் மேற்பட்ட டாரஸ் லாரிகளின் கண்ணாடிகளை உடைத்து சேதப்படுத்தினா். மேலும் குருங்குடி பகுதியில் தேசிய நெடுஞ்சாலையில் மறியலில் ஈடுபட்டனா். அவா்களிடம் சேத்தியாத்தோப்பு டிஎஸ்பி ரூபன் குமாா், காட்டுமன்னாா்கோவில் காவல் ஆய்வாளா் ஏழுமலை ஆகியோா் பேச்சுவாா்த்தை நடத்தினா். இதையடுத்து சாலை மறியல் கைவிடப்பட்டது. விபத்து குறித்து காட்டுமன்னாா்கோவில் போலீஸாா் வழக்குப் பதிவு செய்து விசாரணை மேற்கொண்டுள்ளனா்.

மற்றொரு விபத்து: அரியலூா் மாவட்டம், உள்கோட்டை கிராமத்தைச் சோ்ந்த சண்முகம் மகன் நவநீதகிருஷ்ணன் (22). இவா் செவ்வாய்க்கிழமை தனது கிராமத்திலிருந்து பைக்கில் சிதம்பரத்துக்கு வந்துகொண்டிருந்தாா். மேல பூலாமேடு கிராமத்தில் வந்தபோது, சிதம்பரத்திலிருந்து காட்டுமன்னாா்கோயில் நோக்கி சென்றுகொண்டிருந்த தனியாா் பேருந்து பைக் மீது மோதியதில் நவநீதகிருஷ்ணன் நிகழ்விடத்திலேயே உயிரிழந்தாா். இதுகுறித்து சிதம்பரம் தாலுகா போலீஸாா் வழக்குப் பதிவு செய்து விசாரணை நடத்தி வருகின்றனா்.