விடுதலைச் சிறுத்தைகள் கட்சித் தலைவா் தொல்.திருமாவளவனின் 60-ஆவது பிறந்த நாளையொட்டி, கடலூா் மஞ்சக்குப்பம் மாநகராட்சி தொடக்கப் பள்ளியில் மாணவ, மாணவிகளுக்கு நல உதவிகள் வழங்கும் நிகழ்ச்சி செவ்வாய்க்கிழமை நடைபெற்றது.

சிறப்பு அழைப்பாளராக கடலூா் மாநகராட்சி துணை மேயா் பா.தாமரைச்செல்வன் பங்கேற்று மாணவ, மாணவிகளுக்கு கல்வி உபகரணங்கள், இனிப்புகளை வழங்கினாா் . நிகழ்ச்சிக்கு கட்சியின் கடலூா் நகரச் செயலா் மு.செந்தில் தலைமை வகித்தாா். நகர துணைச் செயலா் செங்கதிா், மாவட்ட துணை அமைப்பாளா்கள் ஜெயக்குமாா், ஆறுமுகம், ராஜ்குமாா், சலீம்வளவன், பிரதீப் உள்ளிட்டோா் பங்கேற்றனா்.