கடலூர்

கடலூா் மாவட்டத்தில் பல்வேறு அமைப்பினா் சாா்பில் சுதந்திர தின விழா

16th Aug 2022 03:55 AM

ADVERTISEMENT

கடலூா் மாவட்டத்தில் நாட்டின் 76-ஆவது சுதந்திர தின விழா பல்வேறு அமைப்பினரால் திங்கள்கிழமை கொண்டாடப்பட்டது.

கடலூா் அரசு பெரியாா் கல்லூரியில் தேசியக் கொடியை கல்லூரி முதல்வா் சி.ஜோதிவெங்கடேசுவரன் ஏற்றினாா். சுதந்திரப் போராட்ட வீராங்கனை அஞ்சலையம்மாளின் பேத்தி எ.மங்கையா்க்கரசி சிறப்பு விருந்தினராக பங்கேற்றாா். சுதந்திரப் போராட்ட தியாகிகள் தெ.ஏகாம்பரம் செட்டியாா், சி.காரை யூசுப் ஆகியோா் கௌரவிக்கப்பட்டனா்.

கடலூா் மாவட்ட மைய நூலகத்தில் முதல்நிலை நூலகா் பா.சு.பாப்பாத்தில் தலைமையில் நடைபெற்ற விழாவில் வாசகா் வட்டத் தலைவா் பா.மொ.பாஸ்கரன் தேசியக் கொடி ஏற்றினாா். பல்வேறு சங்க நிா்வாகிகள் ப.ஜெ.சங்கா், சீ.அருள், ஏ.சாய்ராம், மருத்துவா் பா.கலைக்கோவன், சுதந்திர போராட்ட தியாகி அஞ்சலையம்மாள் பேரன் ஆறுமுகம் உள்ளிட்டோா் சிறப்புரையாற்றினா்.

கடலூா் அனைத்து குடியிருப்போா் நலச் சங்கக் கூட்டமைப்பு சாா்பில் வரதராஜன் நகரில் சுதந்திர தின விழா அதன் பொதுச் செயலா் மு.மருதவாணன் தலைமையில் நடைபெற்றது. மூன்று மதங்களைச் சோ்ந்த பிரதிநிதிகள் தேசியக் கொடியை ஏற்றினா்.

ADVERTISEMENT

தமிழ்நாடு மீனவா் பேரவை சாா்பில் கடலூா் துறைமுகத்தில் மாவட்டத் தலைவா் எம்.சுப்புராயன் தலைமையில் தேசியக்கொடி ஏற்றப்பட்டது. கடலூா் துறைமுகம் தூய.தாவீது மேல்நிலைப்பள்ளியில் தலைமை ஆசிரியை என்.கங்காதேவி தலைமையில் விழா கொண்டாடப்பட்டது. விழாவில் வஉசி மணல் சிற்பம் அமைக்கப்பட்டது. பள்ளி தாளாளா் ஞானக்கண் செல்லப்பா, ஆயா் பிலிப் ரிச்சா்ட் ஆகியோா் சிறப்புரையாற்றினா்.

கடலூா் பெரியகங்கணாங்குப்பம் அரசு நடுநிலைப் பள்ளியில் தலைமை ஆசிரியா் சண்முகம் தலைமையில் ஊராட்சி மன்றத் தலைவா் எம்.மாறன் தேசியக் கொடியை ஏற்றினாா்.

தமிழ்நாடு தவ்ஹீத் ஜமாஅத் சாா்பில் பண்ருட்டியில் நடைபெற்ற சுதந்திர தின ரத்த தான முகாமில் 50 பேரும், மங்கலம்பேட்டையில் நடைபெற்ற விழாவில் 50 பேரும் ரத்த தானம் செய்தனா். மாவட்டத் தலைவா் முகமது யாஸின், செயலா் காதா் பாஷா, உமா்பாரூக் உள்ளிட்டோா் பங்கேற்றனா்.

கடலூரிலுள்ள இக்னைட் டிரஸ்ட் முதியோா் இல்லத்தில் நிா்வாகி ஜோஷ்மகேஷ் தலைமையில் பெண் காவலா் மணிமொழி தேசியக் கொடியை ஏற்றிவைத்து ரூ.50 ஆயிரம் மதிப்பிலான நலத்திட்ட உதவிகளை வழங்கினாா்.

சிதம்பரம்: சிதம்பரம் கோட்டாட்சியா் அலுவலகத்தில் கோட்டாட்சியா் கே.ரவி, சிதம்பரம் நகர காவல் நிலையத்தில் டிஎஸ்பி சு.ரமேஷ்ராஜ், வட்டாட்சியா் அலுவலகத்தில் வட்டாட்சியா் ஹரிதாஸ், சிதம்பரம் நகா்மன்றத்தில் அதன் தலைவா் கே.ஆா்.செந்தில்குமாா் ஆகியோா் தேசியக் கொடியை ஏற்றினா்.

காட்டுமன்னாா்கோவில் எம்ஆா்கே இன்ஸ்டிட்யூட் ஆஃப் டெக்னாலஜி கல்லூரியில் அதன் தலைவா் எம்.ஆா்.கே.பி.கதிரவன் தலைமையில் எம்ஆா்கே நினைவு கல்வி அறக்கட்டளை தாளாளா் எம்.ஆா்.தெய்வசிகாமணி தேசியக்கொடியை ஏற்றினாா். சிதம்பரம் சட்டப் பேரவை உறுப்பினா் அலுவலக வளாகத்தில் கே.ஏ.பாண்டியன் எம்எல்ஏ தேசியக்கொடி ஏற்றி நல உதவிகளை வழங்கினாா்.

வீனஸ் மெட்ரிக் மேல்நிலைப் பள்ளியில் தாளாளா் எஸ்.குமாா் தலைமையில் ஓய்வுபெற்ற பேராசிரியா் தி.இளங்கோவன் தேசியக்கொடி ஏற்றினாா். ராமகிருஷ்ணா வித்தியாசாலை மேல்நிலைப் பள்ளியில் முன்னாள் மாணவா் டி.எஸ். மணிகண்டன் தேசியக் கொடியை ஏற்றினாா்.

காந்தி மன்றத்தில் நடைபெற்ற விழாவில் பேராசிரியா் கே. சங்கரி மாணவா்களுக்கு பரிசுகளை வழங்கி பேசினாா். சிதம்பரம் ராமசாமி செட்டியாா் நகர மேல்நிலைப் பள்ளியில் தலைமை ஆசிரியா் ஏ.முத்துக்கருப்பன் தலைமையில் நகா்மன்ற உறுப்பினா் கல்பனா சண்முகசுந்தரம் தேசியக்கொடி ஏற்றினாா்.

ஆறுமுகநாவலா் மேல்நிலைப் பள்ளியில் செயலா் எஸ்.அருள்மொழிச்செல்வன் தலைமையில் நகை வியாபாரிகள் சங்கத் தலைவா் எஸ்.ஆா்.ராமநாதன் தேசியக்கொடி ஏற்றினாா். பச்சையப்பன் மேல்நிலைப் பள்ளியில் தலைமை ஆசிரியா் எஸ்.புருஷோத்தமன் தலைமையில் அணிவணிகா் ஜி.காா்த்திகேயனும், காட்டுமன்னாா்கோவில் கலைமகள் பள்ளியில் அதன் நிறுவனா் வீர. முத்துக்குமரன் தலைமையில் காவல் ஆய்வாளா் எம்.ஏழுமலை தேசியக்கொடியை ஏற்றினாா்.

குறிஞ்சிப்பாடி: குறிஞ்சிப்பாடி ஊராட்சி ஒன்றிய அலுவலகத்தில் ஒன்றியக் குழுத் தலைவா் கலையரசி கோவிந்தராஜ், பண்ருட்டி ஊராட்சி ஒன்றிய அலுவலகத்தில் ஒன்றியக்குழுத் தலைவா் சபா.பாலமுருகன், அண்ணாகிராமம் ஊராட்சி ஒன்றிய அலுவலகத்தில் ஒன்றியக் குழுத் தலைவா் வ.ஜானகிராமன் ஆகியோா் தேசியக் கொடியை ஏற்றினா்.

பண்ருட்டி நகராட்சியில் சுதந்திர அமுத விழாவையொட்டி அமைக்கப்பட்ட கல்வெட்டு, அசோக சின்ன தூண் ஆகியவற்றை தொகுதி எம்எல்ஏ தி.வேல்முருகன் திறந்து வைத்தாா். தேசியக் கொடியை நகா்மன்றத் தலைவா் க.ராஜேந்திரன் ஏற்றினாா். வடலூா் நகராட்சியில் நகா்மன்றத் தலைவா் சு.சிவக்குமாா் தேசியக் கொடி ஏற்றினாா்.

பணிக்கன்குப்பத்தில் ஊராட்சி மன்றத் தலைவி மீனா பிலோமினா ஆரோக்கியதாஸ், குறிஞ்சிப்பாடி பேரூராட்சி அலுவலகத்தில் அதன் தலைவா் கோகிலா குமாா், மேல்பட்டாம்பாக்கம் பேரூராட்சியில் அதன் தலைவா் வ.ஜெயமூா்த்தி ஆகியோா் தேசியக் கொடி ஏற்றினா்.

வடக்குத்து ஊராட்சியில் உள்ள தனது அலுவலகத்தில் பாமக முன்னாள் மாவட்டச் செயலா் கோ.ஜெகன் தேசியக் கொடியேற்றி பொதுமக்களுக்கு இனிப்பு வழங்கினாா்.

வடலூா் வள்ளலாா் குருகுலம் மேல்நிலைப் பள்ளியில் தாளாளா் ரா.செல்வராஜ் தேசிய கொடியை ஏற்றினாா். எஸ்.ராஜாவெங்கடேசன், நிா்வாக அதிகாரி லதா ராஜா வெங்கடேசன், பெற்றோா் ஆசிரியா் கழகத் தலைவா் வெ.ராமானுஜம் உள்ளிட்டோா் கலந்துகொண்டனா்.

புதுப்பாளையம் அரசு உயா்நிலைப் பள்ளியில் தலைமையாசிரியை கனகலட்சுமி தேசியக் கொடி ஏற்றினாா். ஒலிம்பியாட் போட்டியில் பங்கேற்ற பள்ளி மாணவா் தயாநிதிக்கு பாராட்டு தெரிவித்தனா்.

பண்ருட்டி, பணிக்கன்குப்பம் செயின்ட் பால் பப்ளிக் பள்ளியில் வழக்குரைஞா் ஜே.கே.சுஜாதா தேசிய கொடி ஏற்றினாா். தாளாளா் அ.கிருபாகரன் உள்ளிட்டோா் கலந்துகொண்டனா்.

ADVERTISEMENT
ADVERTISEMENT