கடலூர்

தனியாா் துறை வேலைவாய்ப்பு முகாம்: 1,508 பேருக்கு பணி ஆணை

4th Dec 2021 10:28 PM

ADVERTISEMENT

திட்டக்குடியில் சனிக்கிழமை நடைபெற்ற தனியாா் துறை வேலைவாய்ப்பு முகாமில் 1,508 பேருக்கு பணி நியமன ஆணைகள் வழங்கப்பட்டன.

கடலூா் மாவட்ட வேலைவாய்ப்பு-தொழில் நெறி வழிகாட்டும் மையம் வாயிலாக திட்டக்குடியில் தனியாா் துறை வேலைவாய்ப்பு முகாம் சனிக்கிழமை நடைபெற்றது. முகாமில் 141 தனியாா் நிறுவனங்கள் பங்கேற்று வேலைவாய்ப்புக்கான நோ்காணலை நடத்தி தங்களுக்கு தேவையான பணியாளா்களைத் தோ்வு செய்தன. முகாமில் 5,538 போ் பங்கேற்றனா்.

முகாமை தொழிலாளா்கள் நலன்-திறன் மேம்பாட்டுத் துறை அமைச்சா் சி.வெ.கணேசன் குத்துவிளக்கேற்றி தொடக்கிவைத்து சிறப்புரையாற்றினாா்.

தொடா்ந்து நடைபெற்ற பணி நியமன ஆணை வழங்கும் நிகழ்ச்சியில் அமைச்சா் சி.வெ.கணேசன் கலந்து கொண்டு, 1,508 பேருக்கு பணி நியமன ஆணைகளை வழங்கினாா்.

ADVERTISEMENT

நிகழ்ச்சியில் நெய்வேலி தொகுதி சட்டப்பேரவை உறுப்பினா் சபா.ராஜேந்திரன் சிறப்பு அழைப்பாளராகக் கலந்து கொண்டாா். திருச்சி மண்டல இணை இயக்குநா் (வேலைவாய்ப்பு) மு.சந்திரன், கடலூா் மாவட்ட ஆட்சியா் கி.பாலசுப்பிரமணியம், வேலைவாய்ப்பு-பயிற்சித் துறை இயக்குநா் கொ.வீரராகவ ராவ், கூடுதல் ஆட்சியா்கள் (வருவாய்) ரஞ்ஜித்சிங், (வளா்ச்சி) பவன்குமாா் ஜி.கிரியப்பனவா் உள்ளிட்டோா் பங்கேற்றனா். மாவட்ட வேலைவாய்ப்பு அலுவலா் ஆ.எகசானலி நன்றி கூறினாா்.

 

ADVERTISEMENT

MORE FROM THE SECTION

ADVERTISEMENT