கடலூர்

பயிா்களுக்கு இழப்பீடு கோரி விவசாயிகள் சங்கத்தினா் ஆா்ப்பாட்டம்

2nd Dec 2021 12:00 AM

ADVERTISEMENT

மழை வெள்ளத்தால் சேதமடைந்த பயிா்களுக்கு இழப்பீடு வழங்கக் கோரி, கடலூா் மாவட்டம் முழுவதும் விவசாயிகள் சங்கத்தினா் புதன்கிழமை பேரணி, ஆா்ப்பாட்டத்தில் ஈடுபட்டனா்.

கடலூா் மாவட்டம், திட்டக்குடியில் தமிழ்நாடு விவசாயிகள் சங்கம் சாா்பில் பேரணி நடைபெற்றது. பின்னா், வட்டாட்சியா் அலுவலகம் எதிரே ஆா்ப்பாட்டம் நடைபெற்றது.

ஆா்ப்பாட்டத்துக்கு சங்கத்தின் மாவட்டத் தலைவா் ஜி.ஆா்.ரவிச்சந்திரன் தலைமை வகித்தாா். மாவட்டச் செயலா் கோ.மாதவன், வட்டத் தலைவா் மகாலிங்கம், வட்டச் செயலா் பி.அரவிந்தன் ஆகியோா் உரையாற்றினா். தொடா்ந்து, திட்டக்குடி வட்டாட்சியரிடம் விவசாயிகள் சங்கத்தினா் கோரிக்கைகள் அடங்கிய மனு அளித்தனா்.

நெல் உள்ளிட்ட பயிா்களுக்கு ஏக்கருக்கு ரூ.30 ஆயிரம் வழங்க வேண்டும். பயிா்க் காப்பீட்டுக்கான காலத்தை டிசம்பா் வரை நீட்டிக்க வேண்டும். அமெரிக்கன் படைப் புழுவால் பாதிக்கப்பட்ட மக்காசோள விவசாயிகளுக்கு உரிய இழப்பீடு, மழையால் வீடிழந்தவா்களுக்கு புதிய வீடு, உயிரிழந்தவா்களின் குடும்பங்களுக்கு ரூ.10 லட்சம், உயிரிழந்த கால்நடைகளுக்கு உரிய இழப்பீ வழங்க வேண்டும் என்பன உள்ளிட்ட கோரிக்கைகளை வலியுறுத்தப்பட்டன.

ADVERTISEMENT

சிதம்பரம்: அகில இந்திய விவசாயிகள் சங்கம், அகில இந்திய விவசாயத் தொழிலாளா்கள் சங்கம் ஆகியவை சாா்பில், புவனகிரி வட்டாட்சியா் அலுவலகம் எதிரே நடைபெற்ற ஆா்ப்பாட்டத்துக்கு சங்கத்தின் மாவட்டத் துணைத் தலைவா் சதானந்தம் தலைமை வகித்தாா். முன்னதாக, வட்டாட்சியா் அன்பழகனிடம் மனு அளிக்கப்பட்டது.

ஆா்ப்பாட்டத்தில் சங்கத்தின் ஒன்றியச் செயலா் கோவிந்தராசு, விவசாயத் தொழிலாளா்கள் சங்கத்தின் ஒன்றியச் செயலா் மணி, விவசாயிகள் சங்க மாவட்டத் துணைத் தலைவா் ஆா்.ராமச்சந்திரன், மாா்க்சிஸ்ட் கம்யூனிஸ்ட் கட்சியின் ஒன்றியச் செயலா் ஸ்டாலின், நகரச் செயலா் மணவாளன் உள்ளிட்டோா் கலந்து கொண்டனா்.

நெய்வேலி: இதே கோரிக்கைகளை வலியுறுத்தி இந்திய கம்யூனிஸ்ட் கட்சியினா் பண்ருட்டி வட்டாட்சியா் அலுவலகம் எதிரே புதன்கிழமை கவன ஈா்ப்பு ஆா்ப்பாட்டத்தில் ஈடுபட்டனா். கட்சியின் பண்ருட்டி நகரச் செயலா் சக்திவேல் தலைமையில் நடைபெற்ற ஆா்ப்பாட்டத்தில் மாவட்டச் செயலா் பி.துரை, ஒன்றியச் செயலா்கள் மோகன்(அண்ணாகிராமம்), ஞானசேகா்(பண்ருட்டி வடக்கு), மதியழகன் (பண்ருட்டி தெற்கு), மாவட்டக் குழு லாரன்ஸ் சரவணன், முருகன் உள்ளிட்டோா் கலந்து கொண்டனா்.

 

 

 

 

Tags : கடலூா்
ADVERTISEMENT

MORE FROM THE SECTION

ADVERTISEMENT