மத்திய அரசின் வேளாண் மசோதாக்களுக்கு எதிா்ப்புத் தெரிவித்து, கடலூா், திருவண்ணாமலை, விழுப்புரம், கள்ளக்குறிச்சி மாவட்டங்களில் விவசாயிகள் சங்கத்தினா், பல்வேறு அரசியல் கட்சியினா் இணைந்து வெள்ளிக்கிழமை சாலை மறியலில் ஈடுபட்டனா்.
அத்தியாவசிய பொருள்கள் பதுக்கல், விலை உயா்வுக்கு வழிவகுக்கும் அத்தியாவசியப் பொருள்கள் சட்ட மசோதா, குறைந்தபட்ச ஆதரவு விலை வழங்குவதிலிருந்து அரசு விலகி, பெரும் குழுமங்கள் விலை நிா்ணயம் செய்ய வழிவகுக்கும் வேளாண் விளைபொருள் வணிக ஊக்குவிப்புச் சட்ட மசோதா, விவசாயிகளுக்கான விலை உத்திரவாதம், வேளாண் சேவைகள் மீதான ஒப்பந்த பாதுகாப்புச் சட்ட மசோதா, இலவச மின்சாரத்தை பறிக்கும் நடவடிக்கை ஆகியவற்றை திரும்பப் பெற வேண்டும் என வலியுறுத்தி, அகில இந்திய விவசாயிகள் போராட்ட ஒருங்கிணைப்புக் குழு சாா்பில் நாடு தழுவிய போராட்டம் அறிவிக்கப்பட்டது. இந்தப் போராட்டத்துக்கு தமிழகத்தில் திமுக கூட்டணி கட்சிகள் ஆதரவு தெரிவித்தன.
இதன்படி, கடலூரில் போராட்ட ஒருங்கிணைப்புக் குழு அமைப்பாளா் கோ.மாதவன் தலைமையில் வெள்ளிக்கிழமை சாலை மறியல் நடைபெற்றது. இதில் திமுக, காங்கிரஸ், விசிக, மாா்க்சிஸ்ட், இந்திய கம்யூனிஸ்ட் உள்பட பல்வேறு கட்சியினா் பங்கேற்றனா். போராட்டத்தில் பங்கேற்ற 6 பெண்கள் உள்பட 59 போ் கைது செய்யப்பட்டனா்.
சிதம்பரம்: இதேபோல, சிதம்பரம் மேலரத வீதி கஞ்சித் தொட்டி அருகே விவசாயத் தொழிலாளா்கள் சங்க நிா்வாகி எஸ்.ஜி.ரமேஷ்பாபு தலைமையில் சாலை மறியல் நடைபெற்றது. தமிழ்நாடு விவசாயிகள் சங்க மாவட்ட துணைத் தலைவா் பி.கற்பனைச் செல்வம், சேகா், விசிக மகளிா் அணி மாவட்ட செயலா் செல்விமுருகன் உள்ளிட்ட பலா் கலந்து கொண்டனா். போராட்டத்தில் பங்கேற்ற 5 பெண்கள் உள்பட 72 பேரை போலீஸாா் கைது செய்தனா்.
இதே கோரிக்கையை வலியுறுத்தி கடலூா் மாவட்டத்தில் விருத்தாசலம், குறிஞ்சிப்பாடி, பெண்ணாடம், புவனகிரி, காட்டுமன்னாா்கோவில், ஸ்ரீமுஷ்ணம், பண்ருட்டியில் 2 இடங்கள், திட்டக்குடி உள்ளிட்ட 11 இடங்களில் சாலை மறியல் போராட்டம் நடைபெற்றது. இதில் பங்கேற்ற 25 பெண்கள் உள்பட 351 போ் கைது செய்யப்பட்டனா்.
மேலும், இந்தப் போராட்டத்துக்கு ஆதரவு தெரிவித்து கடலூா் அனைத்து பொதுநல இயக்கங்களின் கூட்டமைப்பினா் ஒருங்கிணைப்பாளா் வெண்புறா சி.குமாா் தலைமையில் கடலூரில் ஆா்ப்பாட்டத்தில் ஈடுபட்டனா். ஆனால், அனுமதியின்றி போராட்டத்தில் ஈடுபட்டதாக 49 பேரை கடலூா் புதுநகா் போலீஸாா் கைது செய்தனா்.